ОРАЛ. 5 қазан. ҚазАқпарат - «Жасырын» жедел алдын алу шарасы барысында Бөрлі аудандық ішкі істер бөлімінің қызметкерлері Орынбор облысының 42 жасар азаматын ұстады.
Облыстық ішкі істер департаментінің баспасөз қызметінен хабарлағанындай, ол 29 тамыз күні Қарашығанақ елді мекені тұсында Жайық өзені арқылы тиісті құжатсыз шекарадан заңсыз өткен.
Сондай-ақ Қазталов аудандық ішкі істер бөлімінің қызметкерлері Болашақ ауылының 33 жасар тұрғынының 26 қыркүйек күні түн жамылып, Оңайбек қыстағы тұсынан Саратов облысы Новоузен ауданы Порганичник елді мекеніне бару үшін шекарадан заңсыз өткендігін анықтады.
Қазіргі кезде қос азаматқа қатысты ҚР ҚК 330-бабы 1-бөліміне сәйкес қылмыстық іс қозғау мәселесі шешілуде.
Ғайсағали Сейтақ
1980 жылы А. Пушкин атындағы Орал педагогикалық институтын (М. Өтемісұлы атындағы БҚУ) қазақ тілі мен әдебиеті мамандығы бойынша бітірген. Тасқала аудандық «Екпін» газетінде тілші, бөлім меңгерушісі болды. Облыстық «Орал өңірі» газетінде тілшіліктен бас редакторлыққа дейінгі жолдан өтті. «Жайық Пресс» ЖШС бас директорының бірінші орынбасары қызметін атқарды. 2000 жылдан бері Kazinform халықаралық ақпарат агенттігінің БҚО-дағы меншікті тілшісі. Қазақстан Жазушылар және Журналистер одағының мүшесі. Республикалық «Жалын» журналы белгілеген Төлеген Айбергенов атындағы сыйлықтың (1987) және спорт журналистері арасында Сейдахмет Бердіқұлов атындағы сыйлықтың лауреаты (2015). «Ерен еңбегі үшін» медалінің иегері. Халықаралық «Алаш» әдеби сыйлығының лауреаты (2024).