ОРАЛ. ҚазАқпарат – Батыс Қазақстан облысында соңғы төрт күнде 352 адамнан коронавирус табылды, деп хабарлайды ҚазАқпарат тілшісі.
БҚО санитарлық-эпидемиологиялық бақылау департаменті мәлім еткеніндей, осының басым көпшілігі немесе 208-і ЖРВИ белгілерімен тексерілген кезде анықталды.
Сондай-ақ 107-сі профилактикалық мақсатта қаралған. 35-і бұрын ауырғандармен байланыста болса, екеуінен эпидемиологиялық қадағалау бойынша сынама алынған.
Сырқаттанғандардың 149-ы Орал қаласында, 43-і Бөрлі, 40-ы Бәйтерек, 33-і Шыңғырлау ауданында тіркелген.
Департамент мәліметіне қарағанда, пандемия басталғаннан бері КВИ жұқтырған 36 793 науқастың 28 821-і жазылып шықты. 732-сі көз жұмды.
Барлық ауырғандардың 18 512-сі Орал қаласы, 4849-ы Бәйтерек, 4490-ы Бөрлі, 1676-сы Теректі, 1329-ы Ақжайық, 1098-і Шыңғырлау, 1081-і Казталов, 1015-і Тасқала ауданының үлесіне тиеді.
Еске сала кетейік, бұдан бұрын Батыс Қазақстан облысында коронавирус жұқтырған 40 науқастың жансақтау бөлімінде жатқанын жазған болатынбыз.
Ғайсағали Сейтақ
1980 жылы А. Пушкин атындағы Орал педагогикалық институтын (М. Өтемісұлы атындағы БҚУ) қазақ тілі мен әдебиеті мамандығы бойынша бітірген. Тасқала аудандық «Екпін» газетінде тілші, бөлім меңгерушісі болды. Облыстық «Орал өңірі» газетінде тілшіліктен бас редакторлыққа дейінгі жолдан өтті. «Жайық Пресс» ЖШС бас директорының бірінші орынбасары қызметін атқарды. 2000 жылдан бері Kazinform халықаралық ақпарат агенттігінің БҚО-дағы меншікті тілшісі. Қазақстан Жазушылар және Журналистер одағының мүшесі. Республикалық «Жалын» журналы белгілеген Төлеген Айбергенов атындағы сыйлықтың (1987) және спорт журналистері арасында Сейдахмет Бердіқұлов атындағы сыйлықтың лауреаты (2015). «Ерен еңбегі үшін» медалінің иегері. Халықаралық «Алаш» әдеби сыйлығының лауреаты (2024).