ОРАЛ. ҚазАқпарат – Батыс Қазақстан облысында соңғы төрт тәулікте 253 адамнан коронавирус табылды, деп хабарлайды ҚазАқпарат тілшісі.
Облыстық санитарлық-эпидемиологиялық бақылау департаменті баспасөз қызметінің хабарлауынша, соның 175-інде ауру белгілері бар, 78-інде симптомы жоқ болып шықты.
Ауырғандардың 143-і ЖРВИ белгілерімен тексерілген. 73-і бұрын індет жұқтырғандармен қарым-қатынаста болған. 36-сы профилактикалық мақсатта қаралған.
Сырқаттанғандардың тең жартысына жуығы, яғни 114-і Орал қаласында анықталды. Сондай-ақ соңғы төрт күнде Бәйтерек ауданында 52, Бөрліде 32 адамнан коронавирус анықталды.
Пандемия басталғаннан бері облыста барлығы 37 668 науқас тіркелсе, соның 30 024-і жазылып шықты. 774 адам көз жұмды.
Індет жұқтырғандардың 18 907-сі Орал қаласы, 5016-сы Бәйтерек, 4587-сі Бөрлі ауданының үлесіне тиеді.
Еске сала кетейік, бұдан бұрын Батыс Қазақстанда 300-ден астам науқастың инфекциялық стационарларда ем алып жатқанын жазған болатынбыз.
Ғайсағали Сейтақ
1980 жылы А. Пушкин атындағы Орал педагогикалық институтын (М. Өтемісұлы атындағы БҚУ) қазақ тілі мен әдебиеті мамандығы бойынша бітірген. Тасқала аудандық «Екпін» газетінде тілші, бөлім меңгерушісі болды. Облыстық «Орал өңірі» газетінде тілшіліктен бас редакторлыққа дейінгі жолдан өтті. «Жайық Пресс» ЖШС бас директорының бірінші орынбасары қызметін атқарды. 2000 жылдан бері Kazinform халықаралық ақпарат агенттігінің БҚО-дағы меншікті тілшісі. Қазақстан Жазушылар және Журналистер одағының мүшесі. Республикалық «Жалын» журналы белгілеген Төлеген Айбергенов атындағы сыйлықтың (1987) және спорт журналистері арасында Сейдахмет Бердіқұлов атындағы сыйлықтың лауреаты (2015). «Ерен еңбегі үшін» медалінің иегері. Халықаралық «Алаш» әдеби сыйлығының лауреаты (2024).