ОРАЛ. 24 қараша. ҚазАқпарат /Елжан Ералы/ - Батыс Қазақстан облысында соңғы жылдары дүниеге келген сәбилер саны көбейіп отыр.
Облыстық денсаулық сақтау басқармасының бастығы Қамидолла Ирменовтің сөзіне қарағанда, көптеген ауруларды ерте анықтау үшін қазіргі заманғы диагностиканың енгізілуі және емдеудің сапалы жүргізілуі арқасында тұрғындар денсаулығының негізгі көрсеткіштері жақсарды. Осыған байланысты туу деңгейі де жоғарылады. Егер 1995 жылы мың адамға шаққанда 16 нәресте дүниеге келсе, 2000 жылы бұл көрсеткіш 12-ге дейін кеміген болатын. Өткен жылы бұл 19-ға жетті. Биылғы көрсеткіш те ойдағыдай деуге болады. Өңірде ана мен бала өлімі деңгейін төмендету бағытында кезек күттірмейтін шаралар қабылдайтын облыстық штаб жұмыс жасап келеді.
Биыл туғаннан жүрегі дімкәс балаларға ота жасау үшін жергілікті бюджеттен 15 млн. теңге бөлінді. Соның нәтижесінде Ресей Федерациясының Самара қаласындағы кардиоорталықта батысқазақстандық 11 балаға ота жасалды.
Ғайсағали Сейтақ
1980 жылы А. Пушкин атындағы Орал педагогикалық институтын (М. Өтемісұлы атындағы БҚУ) қазақ тілі мен әдебиеті мамандығы бойынша бітірген. Тасқала аудандық «Екпін» газетінде тілші, бөлім меңгерушісі болды. Облыстық «Орал өңірі» газетінде тілшіліктен бас редакторлыққа дейінгі жолдан өтті. «Жайық Пресс» ЖШС бас директорының бірінші орынбасары қызметін атқарды. 2000 жылдан бері Kazinform халықаралық ақпарат агенттігінің БҚО-дағы меншікті тілшісі. Қазақстан Жазушылар және Журналистер одағының мүшесі. Республикалық «Жалын» журналы белгілеген Төлеген Айбергенов атындағы сыйлықтың (1987) және спорт журналистері арасында Сейдахмет Бердіқұлов атындағы сыйлықтың лауреаты (2015). «Ерен еңбегі үшін» медалінің иегері. Халықаралық «Алаш» әдеби сыйлығының лауреаты (2024).