ОРАЛ. ҚазАқпарат - Батыс Қазақстан облысында тағы бір автокөлік өртенді, деп хабарлайды «ҚазАқпарат» тілшісі.
БҚО ТЖ департаментінің баспасөз қызметінен түскен мәліметке қарағанда, оқиға кеше таңертең Ақсай-Бөрлі автожолы бойында орын алған. Сағат 08.51-де Бөрлі ауданы Қараоба ауылы тұсында автокөліктің отқа оранғаны жөнінде мәлімет түскен. «Фольксваген Пассат» автокөлігінің мотор бөлігінен от шыққан. «Тілсіз жауды» ауыздықтауға 1 техника, 4 адам жұмылдырылып, сағат 09.35-те толықтай сөндірілген. Зардап шеккендер жоқ.
Еске сала кетейік, БҚО-да өткен жылы 117, биыл жеті автокөліктің өртенгені жөнінде жазған болатынбыз.
Ғайсағали Сейтақ
1980 жылы А. Пушкин атындағы Орал педагогикалық институтын (М. Өтемісұлы атындағы БҚУ) қазақ тілі мен әдебиеті мамандығы бойынша бітірген. Тасқала аудандық «Екпін» газетінде тілші, бөлім меңгерушісі болды. Облыстық «Орал өңірі» газетінде тілшіліктен бас редакторлыққа дейінгі жолдан өтті. «Жайық Пресс» ЖШС бас директорының бірінші орынбасары қызметін атқарды. 2000 жылдан бері Kazinform халықаралық ақпарат агенттігінің БҚО-дағы меншікті тілшісі. Қазақстан Жазушылар және Журналистер одағының мүшесі. Республикалық «Жалын» журналы белгілеген Төлеген Айбергенов атындағы сыйлықтың (1987) және спорт журналистері арасында Сейдахмет Бердіқұлов атындағы сыйлықтың лауреаты (2015). «Ерен еңбегі үшін» медалінің иегері. Халықаралық «Алаш» әдеби сыйлығының лауреаты (2024).