ОРАЛ. ҚазАқпарат - БҚО-ның Ақжайық ауданында тағы бір оқушы өзіне-өзі қол жұмсады, деп хабарлайды «ҚазАқпарат» ХАА тілшісі.
Бұл жолы Мерген ауылында 11-сыныпта оқыған ұл бала өзі тұрған үйдің қора-жайында өмірін қиған. Ауылдағы учаскелік полиция инспекторы Берік Қоспаевтың сөзіне қарағанда, жасөспірім өткен жылы патронаттық тәрбиеге алынған екен. Бұрын одан ешқандай оғаш қылық байқалмаған.
Еске сала кетейік, 3 қаңтарға қараған түні осы аудан орталығы Чапаев ауылында 10-сынып оқушысы (ол да ер бала) өз үйінің ауласында асылып қалған болатын.
Статистикалық деректер өңірде жасөспірімдер суицидінің көбейіп келе жатқандығын көрсетеді. Атап айтқанда, 2014 жылы - 8, 2015 жылы - 11, 2016 жылы 13 жасөспірім өз өмірін қиған.
Ғайсағали Сейтақ
1980 жылы А. Пушкин атындағы Орал педагогикалық институтын (М. Өтемісұлы атындағы БҚУ) қазақ тілі мен әдебиеті мамандығы бойынша бітірген. Тасқала аудандық «Екпін» газетінде тілші, бөлім меңгерушісі болды. Облыстық «Орал өңірі» газетінде тілшіліктен бас редакторлыққа дейінгі жолдан өтті. «Жайық Пресс» ЖШС бас директорының бірінші орынбасары қызметін атқарды. 2000 жылдан бері Kazinform халықаралық ақпарат агенттігінің БҚО-дағы меншікті тілшісі. Қазақстан Жазушылар және Журналистер одағының мүшесі. Республикалық «Жалын» журналы белгілеген Төлеген Айбергенов атындағы сыйлықтың (1987) және спорт журналистері арасында Сейдахмет Бердіқұлов атындағы сыйлықтың лауреаты (2015). «Ерен еңбегі үшін» медалінің иегері. Халықаралық «Алаш» әдеби сыйлығының лауреаты (2024).