ОРАЛ. ҚазАқпарат - 28 наурыз күні сағат 10.30 шамасында Ақжайық ауданының Жайық ауылынан 500 метр қашықтықта мал бағып жүрген жерден жартылай шығып жатқан снарядты көріп, тиісті органдарға хабар берген, деп хабарлайды «ҚазАқпарат» тілшісі.
Аудандық ТЖ бөлімінің бас маманы Рауан Көшкінбаевтың сөзіне қарағанда, бұл диаметрі 7 см, ұзындығы 32 см Азамат соғысы кезінен қалған артиллериялық снаряд болып шықты. Сол бойда қауіпті жер қоршалып, снарядты жою шаралары алынды.
Еске сала кетейік, бұдан екі күн бұрын Бөкей ордасы ауданы орталығы Сайқын ауылының тұрғыны өз үйінің қасынан Ұлы Отан соғысынан қалған снаряд тауып алған болатын.
Ғайсағали Сейтақ
1980 жылы А. Пушкин атындағы Орал педагогикалық институтын (М. Өтемісұлы атындағы БҚУ) қазақ тілі мен әдебиеті мамандығы бойынша бітірген. Тасқала аудандық «Екпін» газетінде тілші, бөлім меңгерушісі болды. Облыстық «Орал өңірі» газетінде тілшіліктен бас редакторлыққа дейінгі жолдан өтті. «Жайық Пресс» ЖШС бас директорының бірінші орынбасары қызметін атқарды. 2000 жылдан бері Kazinform халықаралық ақпарат агенттігінің БҚО-дағы меншікті тілшісі. Қазақстан Жазушылар және Журналистер одағының мүшесі. Республикалық «Жалын» журналы белгілеген Төлеген Айбергенов атындағы сыйлықтың (1987) және спорт журналистері арасында Сейдахмет Бердіқұлов атындағы сыйлықтың лауреаты (2015). «Ерен еңбегі үшін» медалінің иегері. Халықаралық «Алаш» әдеби сыйлығының лауреаты (2024).