ОРАЛ. ҚазАқпарат – Батыс Қазақстан облысында тағы бір тұрғын коронавирустан емделіп шықты, деп хабарлайды ҚазАқпарат тілшісі.
Облыстық жұқпалы аурулар ауруханасының директоры Надия Ахметованың айтуынша, Тасқала ауданының тұрғыны үйіне жіберілді.
«Екі бақылау сынамасы оның коронавирустан жазылғандығын көрсетті. Жағдайы қанағаттанарлық», деді ҚазАқпарат тілшісіне Н.Ахметова.
Осылайша Батыс Қазақстан облысында жазылып шыққандар саны 7-ге жетті. Қалған 109 адам облыстық жұқпалы аурулар ауруханасында емделуін жалғастыруда.
Еске сала кетейік, бұдан бұрын Оралда төрт өзбекстандық азаматтың жазылып шыққанын, БҚО-да коронавирус жұқтырған 13 тұрғынның барлығы Ресейден келгенін жазған болатынбыз.
Ғайсағали Сейтақ
1980 жылы А. Пушкин атындағы Орал педагогикалық институтын (М. Өтемісұлы атындағы БҚУ) қазақ тілі мен әдебиеті мамандығы бойынша бітірген. Тасқала аудандық «Екпін» газетінде тілші, бөлім меңгерушісі болды. Облыстық «Орал өңірі» газетінде тілшіліктен бас редакторлыққа дейінгі жолдан өтті. «Жайық Пресс» ЖШС бас директорының бірінші орынбасары қызметін атқарды. 2000 жылдан бері Kazinform халықаралық ақпарат агенттігінің БҚО-дағы меншікті тілшісі. Қазақстан Жазушылар және Журналистер одағының мүшесі. Республикалық «Жалын» журналы белгілеген Төлеген Айбергенов атындағы сыйлықтың (1987) және спорт журналистері арасында Сейдахмет Бердіқұлов атындағы сыйлықтың лауреаты (2015). «Ерен еңбегі үшін» медалінің иегері. Халықаралық «Алаш» әдеби сыйлығының лауреаты (2024).