ОРАЛ. 22 қазан. ҚазАқпарат - Батыс Қазақстан облысында биылғы тоғыз айда 1198,0 млрд. теңгенің өнеркәсіп өнімі өндірілді.
Облыстық статистика департаментінен түскен мәліметке қарағанда, бұл өткен жылғы осы кезеңмен салыстырғанда, 98,9 пайыз.
Өңірде кен өндіру саласындағы өнім көлемі 1069,5 млрд. теңгені құрап, газ конденсатын өндірудің 5,1, табиғи газдың 2,1 пайызға азаюы есебінен өткен жылғыдан 3 пайызға кеміді. Есесіне өңдеу өнеркәсібінде өнім көлемі 30,6 пайызға көбейіп, 102,7 млрд. теңгеге жетті. Әсіресе, мұнай өнімдерін өндіру - 1,8, резеңке және пластмасса бұйымдары - 1,7, металлургия - 1,3, жиһаз жасау 1,2 есеге өсті.
Ғайсағали Сейтақ
1980 жылы А. Пушкин атындағы Орал педагогикалық институтын (М. Өтемісұлы атындағы БҚУ) қазақ тілі мен әдебиеті мамандығы бойынша бітірген. Тасқала аудандық «Екпін» газетінде тілші, бөлім меңгерушісі болды. Облыстық «Орал өңірі» газетінде тілшіліктен бас редакторлыққа дейінгі жолдан өтті. «Жайық Пресс» ЖШС бас директорының бірінші орынбасары қызметін атқарды. 2000 жылдан бері Kazinform халықаралық ақпарат агенттігінің БҚО-дағы меншікті тілшісі. Қазақстан Жазушылар және Журналистер одағының мүшесі. Республикалық «Жалын» журналы белгілеген Төлеген Айбергенов атындағы сыйлықтың (1987) және спорт журналистері арасында Сейдахмет Бердіқұлов атындағы сыйлықтың лауреаты (2015). «Ерен еңбегі үшін» медалінің иегері. Халықаралық «Алаш» әдеби сыйлығының лауреаты (2024).