ОРАЛ. ҚазАқпарат – Батыс Қазақстан облысында ток соққан 36 жастағы ер адам қаза тапты, деп хабарлайды ҚазАқпарат тілшісі.
БҚО полиция департаментінің баспасөз қызметі мәлім еткеніндей, қайғылы оқиға 1 қыркүйек күні кешкісін Тасқала ауданы Достық ауылында болды.
Сағат 21.00-де құрылыс жұмыстарын жүргізу кезінде өз үйінің ауласында 1985 жылғы ер адамды электр тогы соққан.
Марқұм оқиға орнында көз жұмды.
Ер адамның мүрдесі Орал қаласына сот-медициналық сараптамаға жіберілді.
Аталмыш дерек жазатайым оқиға ретінде тіркелді.
БҚО полиция департаменті электр құралдарын пайдалану кезінде абай болу керектігін еске салады.
Еске сала кетейік, бұдан бұрын БҚО-да 11 адамның малын ұрлап, 3 млн астам теңге залал келтірген топтың құрықталғанын жазған болатынбыз.
Ғайсағали Сейтақ
1980 жылы А. Пушкин атындағы Орал педагогикалық институтын (М. Өтемісұлы атындағы БҚУ) қазақ тілі мен әдебиеті мамандығы бойынша бітірген. Тасқала аудандық «Екпін» газетінде тілші, бөлім меңгерушісі болды. Облыстық «Орал өңірі» газетінде тілшіліктен бас редакторлыққа дейінгі жолдан өтті. «Жайық Пресс» ЖШС бас директорының бірінші орынбасары қызметін атқарды. 2000 жылдан бері Kazinform халықаралық ақпарат агенттігінің БҚО-дағы меншікті тілшісі. Қазақстан Жазушылар және Журналистер одағының мүшесі. Республикалық «Жалын» журналы белгілеген Төлеген Айбергенов атындағы сыйлықтың (1987) және спорт журналистері арасында Сейдахмет Бердіқұлов атындағы сыйлықтың лауреаты (2015). «Ерен еңбегі үшін» медалінің иегері. Халықаралық «Алаш» әдеби сыйлығының лауреаты (2024).