ОРАЛ. ҚазАқпарат – Батыс Қазақстан облысында төрт тұрғын өмір бойына көлік жүргізу құқығынан айырылды, деп хабарлайды ҚазАқпарат тілшісі.
БҚО полиция департаменті тергеу басқармасы бастығының орынбасары, полиция полковнигі Досқали Жұмағалиевтің айтуынша, төрт жүргізушінің сот шешімдерімен 2 жыл 6 айға бас бостандығы шектелді.
Олар көлік жүргізу құқығынан айырылған болса да, мас күйінде рульге отырған.
Былайша айтқанда, ҚР ҚК 346-бабы 1-бөлігіне сәйкес айыпты деп танылған адам бес мың АЕК-ке дейін айыппұл салу немесе сол көлемде түзету жұмыстарына тарту, не 1200 сағатқа дейінгі мерзімге қоғамдық жұмысқа жегу, бес жылға дейінгі мерзімге бас бостандығынан шектеу немесе айыру, өмір бойына белгілі бір қызметпен айналысу және өмір бойына көлік жүргізу құқығынан айыру түріндегі жазаға ілігеді.
Айта кетейік, биылғы 11 қаңтардан бері рульге мас күйінде отырған 32 жүргізуші анықталды.
Ғайсағали Сейтақ
1980 жылы А. Пушкин атындағы Орал педагогикалық институтын (М. Өтемісұлы атындағы БҚУ) қазақ тілі мен әдебиеті мамандығы бойынша бітірген. Тасқала аудандық «Екпін» газетінде тілші, бөлім меңгерушісі болды. Облыстық «Орал өңірі» газетінде тілшіліктен бас редакторлыққа дейінгі жолдан өтті. «Жайық Пресс» ЖШС бас директорының бірінші орынбасары қызметін атқарды. 2000 жылдан бері Kazinform халықаралық ақпарат агенттігінің БҚО-дағы меншікті тілшісі. Қазақстан Жазушылар және Журналистер одағының мүшесі. Республикалық «Жалын» журналы белгілеген Төлеген Айбергенов атындағы сыйлықтың (1987) және спорт журналистері арасында Сейдахмет Бердіқұлов атындағы сыйлықтың лауреаты (2015). «Ерен еңбегі үшін» медалінің иегері. Халықаралық «Алаш» әдеби сыйлығының лауреаты (2024).