ОРАЛ. ҚазАқпарат - Батыс Қазақстан облысында «Тойота» автокөлігі мен жүк көлігі соқтығысып, бір адам жарақат алды, деп хабарлайды ҚазАқпарат тілшісі.
Ақжайық ауданының әкімі Әділ Жоламановтың айтуынша, жол оқиғасы 8 наурыз күні сағат 18.15 шамасында Орал-Атырау күре жолы бойында Жаңабұлақ пен Чапаев ауылдарының аралығында болған. Абырой болғанда, адамдар аман. Аудандық ауруханаға жеткізілген «Тойота» автокөлігінде болған ер адамның қабырғасы сынған. Оның өміріне қауіп төніп тұрған жоқ.
«Қазіргі уақытта Орал-Атырау, Чапаев-Жалпақтал-Қазталов бағытындағы жолдар жабық. Күрделі ауа райына байланысты тұрғындар арасында төтенше жағдайларды болдырмау мақсатында шаралар алынып, жұмыс тәртібі күшейтілді», деді «ҚазАқпарат» тілшісіне Ә.Жоламанов.
Ғайсағали Сейтақ
1980 жылы А. Пушкин атындағы Орал педагогикалық институтын (М. Өтемісұлы атындағы БҚУ) қазақ тілі мен әдебиеті мамандығы бойынша бітірген. Тасқала аудандық «Екпін» газетінде тілші, бөлім меңгерушісі болды. Облыстық «Орал өңірі» газетінде тілшіліктен бас редакторлыққа дейінгі жолдан өтті. «Жайық Пресс» ЖШС бас директорының бірінші орынбасары қызметін атқарды. 2000 жылдан бері Kazinform халықаралық ақпарат агенттігінің БҚО-дағы меншікті тілшісі. Қазақстан Жазушылар және Журналистер одағының мүшесі. Республикалық «Жалын» журналы белгілеген Төлеген Айбергенов атындағы сыйлықтың (1987) және спорт журналистері арасында Сейдахмет Бердіқұлов атындағы сыйлықтың лауреаты (2015). «Ерен еңбегі үшін» медалінің иегері. Халықаралық «Алаш» әдеби сыйлығының лауреаты (2024).