ОРАЛ. ҚазАқпарат - Батыс Қазақстан облысында тұрғын үйде газ баллоны жарылды, деп хабарлайды ҚазАқпарат тілшісі.
БҚО ТЖ департаментінің баспасөз қызметінен түскен мәліметке қарағанда, оқиға бүгін таңмен сағат 07.00-де Теректі ауданы орталығы Федоров ауылында Колхозная көшесі 6-үйде орын алды.
Жарылыстан жеке тұрғын үй қирап, жанбаған. Әйтсе де денесін күйік шалған 1965 жылғы ер адам Орал қаласындағы ауруханаға жеткізілді. Оның басы мен құлағы, беті, қол-аяғы күйген.
Облыстық денсаулық сақтау басқармасының баспасөз хатшысы Айнагүл Сақпосынованың айтуынша, ер адам облыстық аурухананың жансақтау бөліміне жатқызылды. Жағдайы ауыр.
Қазіргі кезде оқиғаның жай-жапсары анықталуда.
Еске сала кетейік, бұдан бұрын Оралда бозбаланың суға кеткенін жазған болатынбыз.
Ғайсағали Сейтақ
1980 жылы А. Пушкин атындағы Орал педагогикалық институтын (М. Өтемісұлы атындағы БҚУ) қазақ тілі мен әдебиеті мамандығы бойынша бітірген. Тасқала аудандық «Екпін» газетінде тілші, бөлім меңгерушісі болды. Облыстық «Орал өңірі» газетінде тілшіліктен бас редакторлыққа дейінгі жолдан өтті. «Жайық Пресс» ЖШС бас директорының бірінші орынбасары қызметін атқарды. 2000 жылдан бері Kazinform халықаралық ақпарат агенттігінің БҚО-дағы меншікті тілшісі. Қазақстан Жазушылар және Журналистер одағының мүшесі. Республикалық «Жалын» журналы белгілеген Төлеген Айбергенов атындағы сыйлықтың (1987) және спорт журналистері арасында Сейдахмет Бердіқұлов атындағы сыйлықтың лауреаты (2015). «Ерен еңбегі үшін» медалінің иегері. Халықаралық «Алаш» әдеби сыйлығының лауреаты (2024).