ОРАЛ. ҚазАқпарат - Батыс Қазақстан облысында үш күнде 67 қылмыс ашылды, деп хабарлайды «ҚазАқпарат» тілшісі.
БҚО ІІД жергілікті полиция қызметінен түскен мәліметке қарағанда, 12-14 желтоқсан аралығында облыста өткізілген «Құқық тәртібі» жедел алдын алу шарасы кезінде ашылған қылмыстың 17-сі қоғамдық орындарда жасалған. Сонымен қатар бұрын жасалған 29 қылмыс ашылып, іздестірілуде жүрген 5 қылмыскер ұсталды.
Үш күн ішінде 1400-ден астам әкімшілік құқықбұзушылықтың жолы кесілді. Соның 130-дан астамы ұсақ бұзақылық болса, қоғамдық орындарға мас болып барудың 230 дерегі анықталған. Сонымен қатар жол ережесін бұзудың 641 дерегі белгілі болды. Соның ішінде 33 жүргізуші көлікке мас күйінде отырған.
Айта кетейік, алдағы мейрам күндері ішкі істер департаментінің жеке құрамы күшейтілген қызмет түріне көшпекші, көшелер мен қоғамдық орындарда қосымша күзет ұйымдастырылды.
Ғайсағали Сейтақ
1980 жылы А. Пушкин атындағы Орал педагогикалық институтын (М. Өтемісұлы атындағы БҚУ) қазақ тілі мен әдебиеті мамандығы бойынша бітірген. Тасқала аудандық «Екпін» газетінде тілші, бөлім меңгерушісі болды. Облыстық «Орал өңірі» газетінде тілшіліктен бас редакторлыққа дейінгі жолдан өтті. «Жайық Пресс» ЖШС бас директорының бірінші орынбасары қызметін атқарды. 2000 жылдан бері Kazinform халықаралық ақпарат агенттігінің БҚО-дағы меншікті тілшісі. Қазақстан Жазушылар және Журналистер одағының мүшесі. Республикалық «Жалын» журналы белгілеген Төлеген Айбергенов атындағы сыйлықтың (1987) және спорт журналистері арасында Сейдахмет Бердіқұлов атындағы сыйлықтың лауреаты (2015). «Ерен еңбегі үшін» медалінің иегері. Халықаралық «Алаш» әдеби сыйлығының лауреаты (2024).