ОРАЛ. KAZINFORM — Сырым аудандық сотында ҚР Әкімшілік құқық бұзушылық туралы кодексі 517-бабы 5-бөлігіне сәйкес Өзбекстанның 10 азаматына қатысты 10 іс қаралды.
БҚО сотының баспасөз қызметінен мәлім еткеніндей, өзбекстандық азаматтардың 2025 жылдың наурыз айында Бұлдырты ауылдық округінде құрылыста заңсыз, тиісті рұқсат алмастан жұмыс істегені анықталды.
Сотта құқық бұзушылар өз кінәларын мойындап, жасаған іс-әрекеттеріне өкініш білдірді.
- Сот қаулыларымен аталған он азамат кінәлі деп танылып, олардың әрқайсысына 98 300 теңге әкімшілік айыппұл салынды. Қаулылар занды күшіне енген жоқ, - деп хабарлады ведомстводан.
Еске сала кетейік, бұдан бұрын БҚО-да жолды күтіп ұстамаған мекеме басшысына айыппұл салынғанын жазған болатынбыз.
Ғайсағали Сейтақ
1980 жылы А. Пушкин атындағы Орал педагогикалық институтын (М. Өтемісұлы атындағы БҚУ) қазақ тілі мен әдебиеті мамандығы бойынша бітірген. Тасқала аудандық «Екпін» газетінде тілші, бөлім меңгерушісі болды. Облыстық «Орал өңірі» газетінде тілшіліктен бас редакторлыққа дейінгі жолдан өтті. «Жайық Пресс» ЖШС бас директорының бірінші орынбасары қызметін атқарды. 2000 жылдан бері Kazinform халықаралық ақпарат агенттігінің БҚО-дағы меншікті тілшісі. Қазақстан Жазушылар және Журналистер одағының мүшесі. Республикалық «Жалын» журналы белгілеген Төлеген Айбергенов атындағы сыйлықтың (1987) және спорт журналистері арасында Сейдахмет Бердіқұлов атындағы сыйлықтың лауреаты (2015). «Ерен еңбегі үшін» медалінің иегері. Халықаралық «Алаш» әдеби сыйлығының лауреаты (2024).