ОРАЛ. ҚазАқпарат – Батыс Қазақстан облысында балықты тиісті құжатсыз тасымалдаған автокөлік жүргізушісі ұсталды, деп хабарлайды ҚазАқпарат тілшісі.
БҚО полиция департаментінің баспасөз қызметі мәлім еткеніндей, оқиға Орал-Атырау жолының 40-шақырымында Бәйтерек ауданы Үлкен Шаған ауылы тұсында болды.
Жол талғамайтын Lexus автокөлігінің жүргізушісі полиция қызметкерлерінің тоқта деген талабына қарамастан, жылдамдығын күшейтіп, қашып кетпек болған. Бірақ оның жолына патрульдік көліктің бірі кедергі жасаған кезде жолсыз жермен жүрмек болғанда, күртік қарға тіреліп тұрып қалған.
Кейін анықталғанындай, 28 жастағы жүргізуші 25 қапқа салынған қара балықты (сазан, қаракөз) тасымалдап келе жатқан.
Жүргізушіге қатысты ҚР Әкімшілік құқықбұзушылық кодексі 590-бабы 3, 4-бөлігі, 613-бабы –бөлігіне қатысты хаттама толтырылды.
Еске сала кетейік, бұдан бұрын Батыс Қазақстанда заңсыз төрт елікті аулаған алған тұрғынның ұсталғанын жазған болатынбыз.
Ғайсағали Сейтақ
1980 жылы А. Пушкин атындағы Орал педагогикалық институтын (М. Өтемісұлы атындағы БҚУ) қазақ тілі мен әдебиеті мамандығы бойынша бітірген. Тасқала аудандық «Екпін» газетінде тілші, бөлім меңгерушісі болды. Облыстық «Орал өңірі» газетінде тілшіліктен бас редакторлыққа дейінгі жолдан өтті. «Жайық Пресс» ЖШС бас директорының бірінші орынбасары қызметін атқарды. 2000 жылдан бері Kazinform халықаралық ақпарат агенттігінің БҚО-дағы меншікті тілшісі. Қазақстан Жазушылар және Журналистер одағының мүшесі. Республикалық «Жалын» журналы белгілеген Төлеген Айбергенов атындағы сыйлықтың (1987) және спорт журналистері арасында Сейдахмет Бердіқұлов атындағы сыйлықтың лауреаты (2015). «Ерен еңбегі үшін» медалінің иегері. Халықаралық «Алаш» әдеби сыйлығының лауреаты (2024).