ОРАЛ. ҚазАқпарат – Батыс Қазақстан облысында заңсыз ойын бизнесін ұйымдастырып, 4,9 млн теңге табыс тапқан тұрғын сотталды, деп хабарлайды ҚазАқпарат тілшісі.
БҚО прокуратурасының баспасөз қызметінен түскен мәліметке қарағанда, заңсыз ойын бизнесін ұйымдастыру дерегі Жаңақала ауданында анықталған.
Д. деген азамат 2017 жылдың желтоқсаны мен 2019 жылдың наурызы аралығында Жаңақала ауылындағы «Бозбаев» кафесінде заңсыз ойын бизнесін (кено, ұтыс дөңгелегі, тотализатор жәнебасқа) ұйымдастырып, 4,9 млн теңге табыс түсірген.
Аталған тұрғын бұған өзі басшылық жасайтын «Inbet.kz» букмекерлік кеңсесі» ЖШС арнайы құрал-жабдықтарын, компьютерлік техникалары мен мамандарын пайдаланған.
Жаңақала аудандық сотының үкімімен Д. ҚР ҚК 307-бабы 2-бөлігі 3, 4-тармақтарына (заңсыз ойын бизнесін ұйымдастыру) сәйкес айыпты деп танылып, оған 1 млн 10 мың теңге айыппұл салынып, мүлкі тәркіленді.
Сот үкімі заңды күшіне енді.
Ғайсағали Сейтақ
1980 жылы А. Пушкин атындағы Орал педагогикалық институтын (М. Өтемісұлы атындағы БҚУ) қазақ тілі мен әдебиеті мамандығы бойынша бітірген. Тасқала аудандық «Екпін» газетінде тілші, бөлім меңгерушісі болды. Облыстық «Орал өңірі» газетінде тілшіліктен бас редакторлыққа дейінгі жолдан өтті. «Жайық Пресс» ЖШС бас директорының бірінші орынбасары қызметін атқарды. 2000 жылдан бері Kazinform халықаралық ақпарат агенттігінің БҚО-дағы меншікті тілшісі. Қазақстан Жазушылар және Журналистер одағының мүшесі. Республикалық «Жалын» журналы белгілеген Төлеген Айбергенов атындағы сыйлықтың (1987) және спорт журналистері арасында Сейдахмет Бердіқұлов атындағы сыйлықтың лауреаты (2015). «Ерен еңбегі үшін» медалінің иегері. Халықаралық «Алаш» әдеби сыйлығының лауреаты (2024).