БҚО ІІД әкімшілік полиция басқармасынан түскен мәліметке қарағанда, аталмыш шара республика бойынша 10 сәуірден басталмақ. Сыйақы мөлшерін белгілеу кезінде комиссиялар қару-жарақ заттарының техникалық жай-күйін ескеріп, үш санатқа бөлмек. Мысалы, автоматты ойық ұңғылы қарулар үшін 100 АЕК (1-санаты үшін - 226900 теңге, 2-санаты үшін - 158830 теңге, 3-санаты үшін - 68070 теңге, винтовка, карабиндер үшін 50 АЕК (1-санаты үшін - 113450 теңге, 2-санаты үшін - 79415 теңге, 3-санаты үшін - 34035 теңге), тапанша, револьверлер үшін 40 АЕК (1-санаты үшін - 90760 теңге, 2-санаты үшін - 63532 теңге, 3-санаты үшін - 27228 теңге) көлемінде сыйақы қарастырылған. Осылайша тұрғындар ерікті түрде тапсырған атыс қаруларынан бастап гранат, мина, жарылғыш құрылғылары мен заттары, артиллериялық снарядтар және оқ-дәріге дейін төленеді. Сонымен қатар криминалист-маманның қорытындысы негізінде атыс қаруы, оқ-дәрі немесе жарылғыш зат болып табылмаған, есепте тұрған бұйымдар мен заттарға, қолдан жасалған оқ-дәріге сыйақы берілмейді.
Еске сала кетейік, мұндай шара бұдан бұрын да жүргізілген болатын.