ОРАЛ. 5 қазан. ҚазАқпарат - Шыңғырлау ауданында жалдамалы жұмыс жасап, нәпақасын айырып жүрген бес өзбек азаматы ұсталды.
Оның екеуі соттың шешімі бойынша Қазақстан аумағынан шығарылды.
Облыстық соттың баспасөз қызметінен хабарлағанындай, екеудің біреуі 2 қыркүйекте ғана кәмелетке толған, екіншісі 46 жастағы әйел. Олардың көші-қон карточкасындағы келу мақсатымен еңбек етіп жүргені сәйкес келмейді.
Сот барысында Бөрлі ауданының мамандандырылған әкімшілік сотында екеуі бұрын құқықбұзушылықпен үш күнге қамалғаны да белгілі болды.
Сот алдында құқықбұзушылар кінәларын мойындап, істеген істері үшін өкінетінін айтқан.
Ғайсағали Сейтақ
1980 жылы А. Пушкин атындағы Орал педагогикалық институтын (М. Өтемісұлы атындағы БҚУ) қазақ тілі мен әдебиеті мамандығы бойынша бітірген. Тасқала аудандық «Екпін» газетінде тілші, бөлім меңгерушісі болды. Облыстық «Орал өңірі» газетінде тілшіліктен бас редакторлыққа дейінгі жолдан өтті. «Жайық Пресс» ЖШС бас директорының бірінші орынбасары қызметін атқарды. 2000 жылдан бері Kazinform халықаралық ақпарат агенттігінің БҚО-дағы меншікті тілшісі. Қазақстан Жазушылар және Журналистер одағының мүшесі. Республикалық «Жалын» журналы белгілеген Төлеген Айбергенов атындағы сыйлықтың (1987) және спорт журналистері арасында Сейдахмет Бердіқұлов атындағы сыйлықтың лауреаты (2015). «Ерен еңбегі үшін» медалінің иегері. Халықаралық «Алаш» әдеби сыйлығының лауреаты (2024).