ОРАЛ. ҚазАқпарат – Батыс Қазақстан облысында жалған шот-фактура жазып, мемлекетке 76,9 млн теңге залал келтіргендер сотталды, деп хабарлайды ҚазАқпарат тілшісі.
БҚО бойынша экономикалық тергеу департаменті мәлім еткендей, Ю.Джусупов пен Н.Бакирова «Sauda Centre» және «TIM-KAZ» ЖШС атынан басқа кәсіпкерлік нысандарына іс жүзінде жұмыстар орындалмай, қызметтер көрсетілмей, тауарлар жөнелтілмесе де, шот-фактура жазумен айналысқан.
Осы іс-әрекеттері арқылы кәсіпкерлік нысандарын салық төлеуден заңсыз босатып, мемлекетке 76,9 млн теңге зиян келтірген.
Орал қалалық сотының үкіміне Ю.Джусупов пен Н.Бакирова ҚР ҚК 28-бабы 3-бөлігіне және 216-бабы 2-бөлігі 2-тармағына сәйкес айыпты деп танылып, сәйкесінше 2 жыл 6 айға және 2 жылға бас бостандықтары шектелді.
Мемлекетке келтірілген зиян толығымен өтелді.
Ғайсағали Сейтақ
1980 жылы А. Пушкин атындағы Орал педагогикалық институтын (М. Өтемісұлы атындағы БҚУ) қазақ тілі мен әдебиеті мамандығы бойынша бітірген. Тасқала аудандық «Екпін» газетінде тілші, бөлім меңгерушісі болды. Облыстық «Орал өңірі» газетінде тілшіліктен бас редакторлыққа дейінгі жолдан өтті. «Жайық Пресс» ЖШС бас директорының бірінші орынбасары қызметін атқарды. 2000 жылдан бері Kazinform халықаралық ақпарат агенттігінің БҚО-дағы меншікті тілшісі. Қазақстан Жазушылар және Журналистер одағының мүшесі. Республикалық «Жалын» журналы белгілеген Төлеген Айбергенов атындағы сыйлықтың (1987) және спорт журналистері арасында Сейдахмет Бердіқұлов атындағы сыйлықтың лауреаты (2015). «Ерен еңбегі үшін» медалінің иегері. Халықаралық «Алаш» әдеби сыйлығының лауреаты (2024).