ОРАЛ. ҚазАқпарат - Батыс Қазақстан облысында жас босанған әйел көз жұмды, деп хабарлайды ҚазАқпарат тілшісі.
Оқиға сәуір айында Жаңақала аудандық орталық ауруханада орын алғанымен, енді белгілі болып отыр.
Облыстық денсаулық сақтау басқармасының баспасөз хатшысы Айнагүл Сақпосынованың айтуынша, 1975 жылы туған әйелдің сәби жолдасы мезгілінен ерте ажырап, соның салдарынан ол қансыраған. Магнезиялы терапия жүргізілгеннен кейін шұғыл түрде кесарь тілігі жасалған.
Аудандық жедел жәрдемге шақырту 24 сәуір күні сағат 13.33-те түскен. Аудандық ауруханаға жеткізілген әйел сол күні сағат 15.50-де көз жұмды. Шарананы да аман алып қалу мүмкін болмады.
Бұл - өңірдегі биылғы бірінші қайғылы жағдай. Өткен жылы осындай бір оқиға тіркелген болатын.
Ғайсағали Сейтақ
1980 жылы А. Пушкин атындағы Орал педагогикалық институтын (М. Өтемісұлы атындағы БҚУ) қазақ тілі мен әдебиеті мамандығы бойынша бітірген. Тасқала аудандық «Екпін» газетінде тілші, бөлім меңгерушісі болды. Облыстық «Орал өңірі» газетінде тілшіліктен бас редакторлыққа дейінгі жолдан өтті. «Жайық Пресс» ЖШС бас директорының бірінші орынбасары қызметін атқарды. 2000 жылдан бері Kazinform халықаралық ақпарат агенттігінің БҚО-дағы меншікті тілшісі. Қазақстан Жазушылар және Журналистер одағының мүшесі. Республикалық «Жалын» журналы белгілеген Төлеген Айбергенов атындағы сыйлықтың (1987) және спорт журналистері арасында Сейдахмет Бердіқұлов атындағы сыйлықтың лауреаты (2015). «Ерен еңбегі үшін» медалінің иегері. Халықаралық «Алаш» әдеби сыйлығының лауреаты (2024).