ОРАЛ. ҚазАқпарат – Батыс Қазақстан облысында жасөспірімдер пәтерге түсіп, азық-түлік ұрлаған, деп хабарлайды ҚазАқпарат тілшісі.
БҚО полиция департаментінің баспасөз қызметінен түскен мәліметке қарағанда, оқиға Бәйтерек ауданы Махамбет ауылында болды.
Осы ауыл тұрғыны, 1975 жылғы әйелден Приурал полиция бөліміне белгісіз біреулердің үйге кіріп, азық-түлік пен темекісін ұрлап кеткені жөнінде шағым түскен.
Жедел іздестіру шаралары барысында күдікті ретінде сол ауылда тұратын үш жасөспірім анықталып, ұсталды.
Қазіргі кезде Приурал полиция бөлімінің қызметкерлері ҚР ҚК 188-бабы 2-бөлігіне сәйкес (ұрлық) сотқа дейінгі тергеу амалдарын жүргізуде.
Полиция департаменті ата-аналарға жазғы демалыс кезінде балаларына аса мұқият болу керектігін еске салды.
Ғайсағали Сейтақ
1980 жылы А. Пушкин атындағы Орал педагогикалық институтын (М. Өтемісұлы атындағы БҚУ) қазақ тілі мен әдебиеті мамандығы бойынша бітірген. Тасқала аудандық «Екпін» газетінде тілші, бөлім меңгерушісі болды. Облыстық «Орал өңірі» газетінде тілшіліктен бас редакторлыққа дейінгі жолдан өтті. «Жайық Пресс» ЖШС бас директорының бірінші орынбасары қызметін атқарды. 2000 жылдан бері Kazinform халықаралық ақпарат агенттігінің БҚО-дағы меншікті тілшісі. Қазақстан Жазушылар және Журналистер одағының мүшесі. Республикалық «Жалын» журналы белгілеген Төлеген Айбергенов атындағы сыйлықтың (1987) және спорт журналистері арасында Сейдахмет Бердіқұлов атындағы сыйлықтың лауреаты (2015). «Ерен еңбегі үшін» медалінің иегері. Халықаралық «Алаш» әдеби сыйлығының лауреаты (2024).