20:09, 30 Маусым 2018

БҚО-да жасөспірімге темекі сатқан әйелге айыппұл салынды

ОРАЛ. ҚазАқпарат - Батыс Қазақстан облысында жасөспірімге темекі сатқан әйелге айыппұл салынды, деп хабарлайды ҚазАқпарат тілшісі.

БҚО кәмелетке толмағандар істері жөніндегі мамандандырылған ауданаралық сотында ҚР Әкімшілік құқықбұзушылық кодексі 133-бабы 1-бөлігіне сәйкес азаматша А-ға қатысты әкімшілік іске нүкте қойылды.

Іс құжаттарына сәйкес А. кәмелетке толмаған балаға темекі сатқан.

Сот отырысында құқық бұзушының кінәсі іс құжаттарымен дәлелденді. Сондай-ақ оның өзі де кінәсін мойындады.

Сот қаулысымен аталған әйелге 15 АЕК көлемінде 36075 теңге айыппұл салынды.

БҚО сотының баспасөз қызметінен түскен мәліметке қарағанда, қаулы заңды күшіне енген жоқ.

Айта кетейік, «Қазақстан Республикасындағы баланың құқықтары туралы» Заңының 37-бабы 4-бөлігіне сәйкес кәмелетке толмаған балаларға темекі бұйымдарын сатуға тыйым салынады. Оны бұзған сатушыға немесе сауда мекемесінің иесіне айыппұл салынады.

Батыс Қазақстан облысы Заң Заң және құқық
Ғайсағали Сейтақ
1980 жылы А. Пушкин атындағы Орал педагогикалық институтын (М. Өтемісұлы атындағы БҚУ) қазақ тілі мен әдебиеті мамандығы бойынша бітірген. Тасқала аудандық «Екпін» газетінде тілші, бөлім меңгерушісі болды. Облыстық «Орал өңірі» газетінде тілшіліктен бас редакторлыққа дейінгі жолдан өтті. «Жайық Пресс» ЖШС бас директорының бірінші орынбасары қызметін атқарды. 2000 жылдан бері Kazinform халықаралық ақпарат агенттігінің БҚО-дағы меншікті тілшісі. Қазақстан Жазушылар және Журналистер одағының мүшесі. Республикалық «Жалын» журналы белгілеген Төлеген Айбергенов атындағы сыйлықтың (1987) және спорт журналистері арасында Сейдахмет Бердіқұлов атындағы сыйлықтың лауреаты (2015). «Ерен еңбегі үшін» медалінің иегері. Халықаралық «Алаш» әдеби сыйлығының лауреаты (2024).