ОРАЛ. ҚазАқпарат - «Қазгидромет» РМК БҚО филиалының мәліметі бойынша 25-26 маусым күндері өңірдің кей жерлерінде қатты дауыл соғып, найзағай ойнайды, деп хабарлайды ҚазАқпарат тілшісі.
Бұршақ жаууы ықтимал, солтүстіктен соғатын желдің жылдамдығы секундына 15-20 метрге жетпек.
Облыс орталығы Орал қаласында да осындай ауа райы орын алмақшы. Желдің екпіні секундына 18 метрге жетуі мүмкін.
Осыған байланысты БҚО ТЖ департаменті ескерту жариялады.
Тұрғындар арасында төтенше жағдайларды болдырмау мақсатында тиісті шаралар қолға алынуда.
Еске сала кетейік, бұдан бұрын күннің 43 градусқа дейін ыситынын жазған болатынбыз.
Кеше Оралда температура тілі 37 градусты көрсетті.
БҚО ТЖ департаментінен түскен мәліметке қарағанда, 20 маусымнан бері өңірде V дәрежелі төтенше жоғары өрт қауіпі сақталып отыр.
Ғайсағали Сейтақ
1980 жылы А. Пушкин атындағы Орал педагогикалық институтын (М. Өтемісұлы атындағы БҚУ) қазақ тілі мен әдебиеті мамандығы бойынша бітірген. Тасқала аудандық «Екпін» газетінде тілші, бөлім меңгерушісі болды. Облыстық «Орал өңірі» газетінде тілшіліктен бас редакторлыққа дейінгі жолдан өтті. «Жайық Пресс» ЖШС бас директорының бірінші орынбасары қызметін атқарды. 2000 жылдан бері Kazinform халықаралық ақпарат агенттігінің БҚО-дағы меншікті тілшісі. Қазақстан Жазушылар және Журналистер одағының мүшесі. Республикалық «Жалын» журналы белгілеген Төлеген Айбергенов атындағы сыйлықтың (1987) және спорт журналистері арасында Сейдахмет Бердіқұлов атындағы сыйлықтың лауреаты (2015). «Ерен еңбегі үшін» медалінің иегері. Халықаралық «Алаш» әдеби сыйлығының лауреаты (2024).