ОРАЛ. ҚазАқпарат – Батыс Қазақстан облысында 7 ауданда 14 елді мекен электр жарығынсыз қалып отыр, деп хабарлайды ҚазАқпарат тілшісі.
БҚО ТЖ департаментінің баспасөз қызметі мәлім еткеніндей, күні бүгін 947 абонент электр қуатын пайдалана алмай отыр.
Атап айтқанда, Бәйтерек ауданында 113, Қазталовта 182, Ақжайықта 493, Жаңақалада 57, Шыңғырлауда 14, Сырымда 45, Тасқалада 43 абонент жарықсыз қалуда.
Қазіргі кезде «Батыс Қазақстан электр желілерін тарату компаниясы» АҚ (73 қызметкер, 26 техника) жөндеу-қалпына келтіру жұмыстарын жүргізуде.
БҚО ТЖ департаменті бүгін барлық бағыттағы жолдардың ашық екендігін жеткізді.
Өңірде үш күннен бері жолда қалған адамдарды құтқару жұмыстары жалғасуда.
Еске сала кетейік, бұдан бұрын Батыс Қазақстанда 24 елді мекеннің электр жарығынсыз қалғанын, қатты аязға байланысты Оралда 1-9 сынып оқушылары қашықтан оқитынын жазған болатынбыз.
Ғайсағали Сейтақ
1980 жылы А. Пушкин атындағы Орал педагогикалық институтын (М. Өтемісұлы атындағы БҚУ) қазақ тілі мен әдебиеті мамандығы бойынша бітірген. Тасқала аудандық «Екпін» газетінде тілші, бөлім меңгерушісі болды. Облыстық «Орал өңірі» газетінде тілшіліктен бас редакторлыққа дейінгі жолдан өтті. «Жайық Пресс» ЖШС бас директорының бірінші орынбасары қызметін атқарды. 2000 жылдан бері Kazinform халықаралық ақпарат агенттігінің БҚО-дағы меншікті тілшісі. Қазақстан Жазушылар және Журналистер одағының мүшесі. Республикалық «Жалын» журналы белгілеген Төлеген Айбергенов атындағы сыйлықтың (1987) және спорт журналистері арасында Сейдахмет Бердіқұлов атындағы сыйлықтың лауреаты (2015). «Ерен еңбегі үшін» медалінің иегері. Халықаралық «Алаш» әдеби сыйлығының лауреаты (2024).