АСТАНА. ҚазАқпарат - Батыс Қазақстан облысында жоғалып кеткен тұрғын аман-есен табылды, деп хабарлайды ҚазАқпарат тілшісі.
БҚО ТЖД баспасөз қызметінен түскен мәліметке қарағанда, оқиға Жаңақала ауданы Жаңажол ауылдық округінде болды.
1978 жылғы тұрғын 16 қаңтар күні сағат 09.00-де Саркөл ауылынан мал қараймын деп шығып кеткеннен оралмаған.
Ер адамды іздеуге ТЖ (3 қызметкер, 1 техника), жергілікті әкімдік (3 қызметкер, 1 техника), аудандық полиция бөлімі (1 қызметкер, 1 техника) және ауыл тұрғындары (13 адам, 2 техника) жұмылдырылды.
Соның нәтижесінде тұрғын бүгін сағат 18.25-те даладан табылды.
Еске сала кетейік, соңғы күндері ауа райына байланысты өңірде бірқатар ескертулер жарияланған болатын.
Ғайсағали Сейтақ
1980 жылы А. Пушкин атындағы Орал педагогикалық институтын (М. Өтемісұлы атындағы БҚУ) қазақ тілі мен әдебиеті мамандығы бойынша бітірген. Тасқала аудандық «Екпін» газетінде тілші, бөлім меңгерушісі болды. Облыстық «Орал өңірі» газетінде тілшіліктен бас редакторлыққа дейінгі жолдан өтті. «Жайық Пресс» ЖШС бас директорының бірінші орынбасары қызметін атқарды. 2000 жылдан бері Kazinform халықаралық ақпарат агенттігінің БҚО-дағы меншікті тілшісі. Қазақстан Жазушылар және Журналистер одағының мүшесі. Республикалық «Жалын» журналы белгілеген Төлеген Айбергенов атындағы сыйлықтың (1987) және спорт журналистері арасында Сейдахмет Бердіқұлов атындағы сыйлықтың лауреаты (2015). «Ерен еңбегі үшін» медалінің иегері. Халықаралық «Алаш» әдеби сыйлығының лауреаты (2024).