ОРАЛ. ҚазАқпарат - 27 қараша күні сағат 08.00-де Самара-Шымкент жолының 323-шақырымында Сырым ауданының Тоғанас ауылынан 15 шақырым жерде «Honda CR-V» автокөлігінің 43 жастағы жүргізушісі реттелмейтін жаяу жүргінші өткелінде үш әйелді қағып кеткен.
БҚО ІІД баспасөз қызметінен түскен мәліметке қарағанда, жол апаты салдарынан 1956 жылғы әйел оқиға орнында көз жұмды. 1960 және 1974 жылғы екі әйел түрлі жарақатпен Орал қаласындағы облыстық клиникалық ауруханаға жеткізілді.
Аталған дерек бойынша ҚР ҚК 345-бабына сәйкес (жол қозғалысы және көлік құралын пайдалану ережесін бұзу) тергеу амалдары жүргізілуде.
Ғайсағали Сейтақ
1980 жылы А. Пушкин атындағы Орал педагогикалық институтын (М. Өтемісұлы атындағы БҚУ) қазақ тілі мен әдебиеті мамандығы бойынша бітірген. Тасқала аудандық «Екпін» газетінде тілші, бөлім меңгерушісі болды. Облыстық «Орал өңірі» газетінде тілшіліктен бас редакторлыққа дейінгі жолдан өтті. «Жайық Пресс» ЖШС бас директорының бірінші орынбасары қызметін атқарды. 2000 жылдан бері Kazinform халықаралық ақпарат агенттігінің БҚО-дағы меншікті тілшісі. Қазақстан Жазушылар және Журналистер одағының мүшесі. Республикалық «Жалын» журналы белгілеген Төлеген Айбергенов атындағы сыйлықтың (1987) және спорт журналистері арасында Сейдахмет Бердіқұлов атындағы сыйлықтың лауреаты (2015). «Ерен еңбегі үшін» медалінің иегері. Халықаралық «Алаш» әдеби сыйлығының лауреаты (2024).