ОРАЛ. ҚазАқпарат - 17 мамыр күні Самара-Шымкент күре жолының бойында 1975 жылғы жүргізуші «Ауди С4» автокөлігінің руліне ие бола алмай, аударылып қалуына жол берген, деп хабарлайды «ҚазАқпарат» тілшісі.
БҚО ішкі істер департаментінің баспасөз қызметінен түскен мәліметке қарағанда, жол апатынан көлік ішінде болған жүргізушінің зайыбы және арнайы орындықта отырған 2016 жылғы сәби зардап шекті. Түрлі жарақатпен облыстық ауруханаға жеткізілген сәби жансақтау бөлімінде көз жұмды.
Қазіргі уақытта аталған дерек бойынша ҚР ҚК 345-бабына сәйкес қылмыстық іс қозғау мәселесі қарастырылуда.
Ғайсағали Сейтақ
1980 жылы А. Пушкин атындағы Орал педагогикалық институтын (М. Өтемісұлы атындағы БҚУ) қазақ тілі мен әдебиеті мамандығы бойынша бітірген. Тасқала аудандық «Екпін» газетінде тілші, бөлім меңгерушісі болды. Облыстық «Орал өңірі» газетінде тілшіліктен бас редакторлыққа дейінгі жолдан өтті. «Жайық Пресс» ЖШС бас директорының бірінші орынбасары қызметін атқарды. 2000 жылдан бері Kazinform халықаралық ақпарат агенттігінің БҚО-дағы меншікті тілшісі. Қазақстан Жазушылар және Журналистер одағының мүшесі. Республикалық «Жалын» журналы белгілеген Төлеген Айбергенов атындағы сыйлықтың (1987) және спорт журналистері арасында Сейдахмет Бердіқұлов атындағы сыйлықтың лауреаты (2015). «Ерен еңбегі үшін» медалінің иегері. Халықаралық «Алаш» әдеби сыйлығының лауреаты (2024).