ОРАЛ. ҚазАқпарат - Батыс Қазақстан облысында жол апатына ұшыраған полиция қызметкері көз жұмды, деп хабарлайды «ҚазАқпарат» тілшісі.
БҚО ішкі істер департаменті бастығының орынбасары Талғат Ахаевтың айтуынша, Самара-Шымкент күре жолы бойында автобуспен соқтығысқан «ВАЗ-2114» автокөлігінің рулінде болған Сырым аудандық ішкі істер бөлімінің учаскелік инспекторы облыстық клиникалық ауруханада көз жұмды.
Еске сала кетейік, оқиға 27 ақпан күні Сырым ауданы Алғабас ауылы тұсында орын алып, үш адам жарақаттанған болатын. Соның ішінде ауыр жарақат алған полиция қызметкері облыстық ауруханаға жеткізілген еді.
Ғайсағали Сейтақ
1980 жылы А. Пушкин атындағы Орал педагогикалық институтын (М. Өтемісұлы атындағы БҚУ) қазақ тілі мен әдебиеті мамандығы бойынша бітірген. Тасқала аудандық «Екпін» газетінде тілші, бөлім меңгерушісі болды. Облыстық «Орал өңірі» газетінде тілшіліктен бас редакторлыққа дейінгі жолдан өтті. «Жайық Пресс» ЖШС бас директорының бірінші орынбасары қызметін атқарды. 2000 жылдан бері Kazinform халықаралық ақпарат агенттігінің БҚО-дағы меншікті тілшісі. Қазақстан Жазушылар және Журналистер одағының мүшесі. Республикалық «Жалын» журналы белгілеген Төлеген Айбергенов атындағы сыйлықтың (1987) және спорт журналистері арасында Сейдахмет Бердіқұлов атындағы сыйлықтың лауреаты (2015). «Ерен еңбегі үшін» медалінің иегері. Халықаралық «Алаш» әдеби сыйлығының лауреаты (2024).