ОРАЛ. ҚазАқпарат – Батыс Қазақстан облысында жол апатынан жарақат алған 6 жасар бала жансақтау бөлімінде жатыр, деп хабарлайды ҚазАқпарат тілшісі.
Бұдан бұрын жазғанымыздай, Чапаев-Жаңақала жолында екі автокөліктің түйісуі салдарынан 3 жасар бала көз жұмған болатын.
Алты жасар тағы бір бала ауыр жарақат алған еді.
БҚО денсаулық сақтау басқармасының баспасөз қызметі мәлім еткеніндей, бала қазір облыстық көпбейінді аурухананың жансақтау бөлімінде. Жағдайы ауыр. Баланың миы шайқалып, аяқ-қолдары сынған.
Еске сала кетейік, бұдан бұрын БҚО-да автокөлік асфальт төсейтін машинамен соқтығысып, бір адамның қаза тапқанын жазған болатынбыз.
Ғайсағали Сейтақ
1980 жылы А. Пушкин атындағы Орал педагогикалық институтын (М. Өтемісұлы атындағы БҚУ) қазақ тілі мен әдебиеті мамандығы бойынша бітірген. Тасқала аудандық «Екпін» газетінде тілші, бөлім меңгерушісі болды. Облыстық «Орал өңірі» газетінде тілшіліктен бас редакторлыққа дейінгі жолдан өтті. «Жайық Пресс» ЖШС бас директорының бірінші орынбасары қызметін атқарды. 2000 жылдан бері Kazinform халықаралық ақпарат агенттігінің БҚО-дағы меншікті тілшісі. Қазақстан Жазушылар және Журналистер одағының мүшесі. Республикалық «Жалын» журналы белгілеген Төлеген Айбергенов атындағы сыйлықтың (1987) және спорт журналистері арасында Сейдахмет Бердіқұлов атындағы сыйлықтың лауреаты (2015). «Ерен еңбегі үшін» медалінің иегері. Халықаралық «Алаш» әдеби сыйлығының лауреаты (2024).