ОРАЛ. ҚазАқпарат – Батыс Қазақстан облысында жол жиегіне түсіп кеткен жүк көлігі шығарылды, деп хабарлайды ҚазАқпарат тілшісі.
БҚО ТЖ департаментінің баспасөз қызметі мәлім еткеніндей, оқиға 12 қаңтар күні Самара-Шымкент жолында Сырым ауданы аумағында болды.
Сағат 11.00-де Оралдан Ақтөбеге қарай 200 шақырым қашықтықта көктайғақ салдарынан түрік азаматы айдап бара жатқан Mercedes көлігі 20 тонна жүгімен жол жиегіне түсіп кеткен.
ТЖ департаментінің күшімен жүк көлігі сағат 16.15-те тазартылған жол учаскесіне шығарылды.
Түрік азаматы өзіне көмек көрсеткен қазақстандықтарға алғысын білдірді.
БҚО ТЖ департаменті құтқарушылар кеңесіне құлақ асып, абай болу керектігін, әсіресе, ауа райы нашарлаған уақытта жолға шықпау қажеттігін еске салады.
Ғайсағали Сейтақ
1980 жылы А. Пушкин атындағы Орал педагогикалық институтын (М. Өтемісұлы атындағы БҚУ) қазақ тілі мен әдебиеті мамандығы бойынша бітірген. Тасқала аудандық «Екпін» газетінде тілші, бөлім меңгерушісі болды. Облыстық «Орал өңірі» газетінде тілшіліктен бас редакторлыққа дейінгі жолдан өтті. «Жайық Пресс» ЖШС бас директорының бірінші орынбасары қызметін атқарды. 2000 жылдан бері Kazinform халықаралық ақпарат агенттігінің БҚО-дағы меншікті тілшісі. Қазақстан Жазушылар және Журналистер одағының мүшесі. Республикалық «Жалын» журналы белгілеген Төлеген Айбергенов атындағы сыйлықтың (1987) және спорт журналистері арасында Сейдахмет Бердіқұлов атындағы сыйлықтың лауреаты (2015). «Ерен еңбегі үшін» медалінің иегері. Халықаралық «Алаш» әдеби сыйлығының лауреаты (2024).