ОРАЛ. KAZINFORM — Батыс Қазақстан облысында Орал-Белес-Переметный автожолында барлық көлік түрлері үшін қозғалысқа шектеу қойылды.
БҚО полиция департаментінің баспасөз қызметінен мәлім еткеніндей, қардың күрт еруі салдарынан су мол келіп, жолдың үстіне шығып кеткен.
Қазіргі кезде автокөліктер Орал-Саратов жолы арқылы қатынауда.
— Жүргізушілерге жолға шыққан кезде аталған ақпаратты ескеріп, қауіпсіздік шараларын сақтау керектігін еске саламыз. Бұл азаматтар қауіпсіздігі үшін жасалып отыр, — деп хабарлады ведомстводан.
Еске сала кетейік, бұдан бұрын Оралда еріген қар суына байланысты тұрғындардан өтініш көбейе түскенін жазған болатынбыз.
Ғайсағали Сейтақ
1980 жылы А. Пушкин атындағы Орал педагогикалық институтын (М. Өтемісұлы атындағы БҚУ) қазақ тілі мен әдебиеті мамандығы бойынша бітірген. Тасқала аудандық «Екпін» газетінде тілші, бөлім меңгерушісі болды. Облыстық «Орал өңірі» газетінде тілшіліктен бас редакторлыққа дейінгі жолдан өтті. «Жайық Пресс» ЖШС бас директорының бірінші орынбасары қызметін атқарды. 2000 жылдан бері Kazinform халықаралық ақпарат агенттігінің БҚО-дағы меншікті тілшісі. Қазақстан Жазушылар және Журналистер одағының мүшесі. Республикалық «Жалын» журналы белгілеген Төлеген Айбергенов атындағы сыйлықтың (1987) және спорт журналистері арасында Сейдахмет Бердіқұлов атындағы сыйлықтың лауреаты (2015). «Ерен еңбегі үшін» медалінің иегері. Халықаралық «Алаш» әдеби сыйлығының лауреаты (2024).