ОРАЛ. ҚазАқпарат - Батыс Қазақстан облысында жүк көлігі аударылып қалды, деп хабарлайды ҚазАқпарат тілшісі.
Теректі ауданы әкімдігінен түскен мәліметке қарағанда, оқиға бүгін түнгі сағат 02.00-03.00 шамасында Ақсуат ауылдық округіне қарасты Пойма стансасы маңында орын алды.
«Интеграл Транс Логистика» компаниясы жүк көлігінің рулінде Беларусь азаматы Л.Ничай болған. Бастапқы мәліметке қарағанда, жүргізуші көлік жүргізіп келе жатып, қалғып кеткен секілді. Өзі аман.
Оқиға орнында полиция қызметкерлері жұмыс жасады.
Аудан әкімі аппаратының ТЖ жөніндегі бас инспекторы Бақытжан Есқожин қазіргі кезде ақпараттың анықталып, жинақталып жатқанын жеткізді.
БҚО денсаулық сақтау басқармасының баспасөз хатшысы Айнагүл Сақпосынова оқиға орнына жедел жәрдемнің шақырылмағанын айтты.
Ғайсағали Сейтақ
1980 жылы А. Пушкин атындағы Орал педагогикалық институтын (М. Өтемісұлы атындағы БҚУ) қазақ тілі мен әдебиеті мамандығы бойынша бітірген. Тасқала аудандық «Екпін» газетінде тілші, бөлім меңгерушісі болды. Облыстық «Орал өңірі» газетінде тілшіліктен бас редакторлыққа дейінгі жолдан өтті. «Жайық Пресс» ЖШС бас директорының бірінші орынбасары қызметін атқарды. 2000 жылдан бері Kazinform халықаралық ақпарат агенттігінің БҚО-дағы меншікті тілшісі. Қазақстан Жазушылар және Журналистер одағының мүшесі. Республикалық «Жалын» журналы белгілеген Төлеген Айбергенов атындағы сыйлықтың (1987) және спорт журналистері арасында Сейдахмет Бердіқұлов атындағы сыйлықтың лауреаты (2015). «Ерен еңбегі үшін» медалінің иегері. Халықаралық «Алаш» әдеби сыйлығының лауреаты (2024).