ОРАЛ. ҚазАқпарат - Батыс Қазақстан облысында жүк көлігінің тауар тиелген тіркемесі жанып кетті, деп хабарлайды ҚазАқпарат тілшісі.
БҚО ТЖ департаментінің баспасөз қызметінен алынған мәліметке қарағанда, Самара-Шымкент күре жолының 389-шақырымында Сырым ауданы аумағында жүк көлігінің тіркемесі жанғаны жөнінде хабар 6 маусым күні сағат 12.20-да түскен.
Өртті сөндіруге 2 техника мен жеке құрамнан 10 адам жұмылдырылды. Өрт 15.15-те оқшауланып, 18.50-де сөндірілді.
Қазіргі кезде келтірілген шығын, кінәлі адамдар анықталуда.
Сырым аудандық ТЖ бөлімінің бас маманы Ерген Тасқалиевтің нақтылауынша, Түркиядан Бішкекке бара жатқан жүк көлігінің тіркемесінде 15 тоннадай киім-кешек тиелген. Жүк түгелдей отқа оранды.
Иллюстрациялық фотосурет
Ғайсағали Сейтақ
1980 жылы А. Пушкин атындағы Орал педагогикалық институтын (М. Өтемісұлы атындағы БҚУ) қазақ тілі мен әдебиеті мамандығы бойынша бітірген. Тасқала аудандық «Екпін» газетінде тілші, бөлім меңгерушісі болды. Облыстық «Орал өңірі» газетінде тілшіліктен бас редакторлыққа дейінгі жолдан өтті. «Жайық Пресс» ЖШС бас директорының бірінші орынбасары қызметін атқарды. 2000 жылдан бері Kazinform халықаралық ақпарат агенттігінің БҚО-дағы меншікті тілшісі. Қазақстан Жазушылар және Журналистер одағының мүшесі. Республикалық «Жалын» журналы белгілеген Төлеген Айбергенов атындағы сыйлықтың (1987) және спорт журналистері арасында Сейдахмет Бердіқұлов атындағы сыйлықтың лауреаты (2015). «Ерен еңбегі үшін» медалінің иегері. Халықаралық «Алаш» әдеби сыйлығының лауреаты (2024).