ОРАЛ. 30 қараша. ҚазАқпарат /Елжан Ералы/ - Батыс Қазақстан облысында жыл басынан бері жол ережесін бұзған жаяу жүргіншілерге қатысты 7561 әкімшілік хаттама толтырылды.
БҚО ІІД жол полициясы басқармасынан хабарлағанындай, өткен жылы осындай мерзімде 4175 хаттама ғана толтырылған болатын. Тіпті бір жыл ішінде төрт рет тәртіп бұзған адам кездесіп отыр. 25 қараша күні Орал қаласының тұрғыны Н.Ахмедовке әкімшілік хаттама толтырылды. Ол бұдан бұрын наурыз, маусым және қазан айларында жол ережесін бұзып, көзге түскен еді. Енді оған сот шешімімен ҚР Әкімшілік құқықбұзушылық кодексіне сәйкес айыппұл салынады немесе үш тәулікке қамалады. Мұндай жағдай облыста алғаш рет тіркеліп отыр.
БҚО жол полициясы «Жолда анық көрін» атты іс-шарасын ұйымдастырып, жаяу адамдарды жарыққа шалынатын киімдер киіп, жол ережесін бұзбауына шақырып отыр.
Ғайсағали Сейтақ
1980 жылы А. Пушкин атындағы Орал педагогикалық институтын (М. Өтемісұлы атындағы БҚУ) қазақ тілі мен әдебиеті мамандығы бойынша бітірген. Тасқала аудандық «Екпін» газетінде тілші, бөлім меңгерушісі болды. Облыстық «Орал өңірі» газетінде тілшіліктен бас редакторлыққа дейінгі жолдан өтті. «Жайық Пресс» ЖШС бас директорының бірінші орынбасары қызметін атқарды. 2000 жылдан бері Kazinform халықаралық ақпарат агенттігінің БҚО-дағы меншікті тілшісі. Қазақстан Жазушылар және Журналистер одағының мүшесі. Республикалық «Жалын» журналы белгілеген Төлеген Айбергенов атындағы сыйлықтың (1987) және спорт журналистері арасында Сейдахмет Бердіқұлов атындағы сыйлықтың лауреаты (2015). «Ерен еңбегі үшін» медалінің иегері. Халықаралық «Алаш» әдеби сыйлығының лауреаты (2024).