ОРАЛ. ҚазАқпарат - Теректі ауданындағы Шалқар көлінде төрт адам құтқарылды, оның екеуі - бала, деп хабарлайды ҚазАқпарат тілшісі.
БҚО ТЖ департаментінің баспасөз қызметінен түскен мәліметке қарағанда, оқиға 9 шілде күні орын алған. Сағат 17.05-те 112 телефонына көлде желдің үрлемелі қайықта отырған адамдарды белгісіз бағытқа ығыстырып кеткені жөнінде хабар түскен.
Құтқарушылар Асылбек Майтанов пен Аслан Алдияровтың кәсіби іс-әрекеттері арқасында сағат 17.45-те жағадан алты шақырымға ұзап кеткен 2008 жылғы Н.Мереева, 2011 жылғы Н.Нұриман, 1986 жылғы жылғы А.Мереев пен С.Наурызғали табылып, құтқарылды. Олардың жағдайы бірқалыпты, медициналық көмекті қажетсінбеді.
Еске сала кетейік, бұдан бұрын БҚО-да ер адамның балық аулаймын деп жүріп суға кеткенін және жер қазу жұмыстары кезінде тағы бір тұрғынның мәйіті табылғанын жазған болатынбыз.
Ғайсағали Сейтақ
1980 жылы А. Пушкин атындағы Орал педагогикалық институтын (М. Өтемісұлы атындағы БҚУ) қазақ тілі мен әдебиеті мамандығы бойынша бітірген. Тасқала аудандық «Екпін» газетінде тілші, бөлім меңгерушісі болды. Облыстық «Орал өңірі» газетінде тілшіліктен бас редакторлыққа дейінгі жолдан өтті. «Жайық Пресс» ЖШС бас директорының бірінші орынбасары қызметін атқарды. 2000 жылдан бері Kazinform халықаралық ақпарат агенттігінің БҚО-дағы меншікті тілшісі. Қазақстан Жазушылар және Журналистер одағының мүшесі. Республикалық «Жалын» журналы белгілеген Төлеген Айбергенов атындағы сыйлықтың (1987) және спорт журналистері арасында Сейдахмет Бердіқұлов атындағы сыйлықтың лауреаты (2015). «Ерен еңбегі үшін» медалінің иегері. Халықаралық «Алаш» әдеби сыйлығының лауреаты (2024).