Сондай-ақ, комиссия мүшелерін оқиға орнына жеткізу үшін Батыс Қазақстан облысы ТЖД-нің «Трэкол» автомобилі жұмылдырылды. Тікұшақтың сынықтары мен бөліктерін сақтауға арналған қоймалар және ангарлар іздеу, оларды жүк автотехникасы мен крандарды тарта отырып жеткізуді қамтамасыз ету мәселелері пысықталды.
Оқиғаның мән-жайын тергеумен Индустрия және инфрақұрылымдық даму министрлігінің Көліктегі оқиғалар мен инциденттерді тергеу департаментінің қызметкерлері және ІІМ Көліктегі полиция департаментінің қызметкерлері айналысып жатыр. Сондай-ақ, тікұшақты шығарған зауыт өкілдері де жұмылдырылған.