ОРАЛ. ҚазАқпарат – Конкурстық комиссияның шешіміне және меритократия қағидасына сәйкес Арман Қалибеков БҚО денсаулық сақтау басқармасының басшысы болып тағайындалды, деп хабарлайды ҚазАқпарат тілшісі.
БҚО әкімінің баспасөз қызметі мәлім еткеніндей, Арман Талғатұлы 1974 жылы дүниеге келген. Білімі – жоғары. Ақтөбе мемлекеттік медицина академиясын педиатрия мамандығы бойынша тәмамдаған.
Әр жылдары Тасқала ауданы «Камен» отбасылық дәрігерлік амбулаториясы» МКҚК директоры, БҚО диагностикалық орталығының дәрігер-рентгенологі, осы орталық директоры,
шаруашылық жүргізу құқығындағы «Көпбейінді облыстық балалар ауруханасы» МКК директоры, «№4 қалалақ емханасы» МКК директоры және «Көпбейінді қалалық
аурухана» МКК директоры болып жұмыс істеді.
Күні бүгінге дейін БҚО денсаулық сақтау басқармасы басшысының даму және ұйымдастыру жұмыстары жөніндегі орынбасары қызметін атқарды.
Еске сала кетейік, бұдан бұрын БҚО жолаушылар көлігі және автомобиль жолдары басқармасына жаңа басшы тағайындалғанын жазған болатынбыз.
Ғайсағали Сейтақ
1980 жылы А. Пушкин атындағы Орал педагогикалық институтын (М. Өтемісұлы атындағы БҚУ) қазақ тілі мен әдебиеті мамандығы бойынша бітірген. Тасқала аудандық «Екпін» газетінде тілші, бөлім меңгерушісі болды. Облыстық «Орал өңірі» газетінде тілшіліктен бас редакторлыққа дейінгі жолдан өтті. «Жайық Пресс» ЖШС бас директорының бірінші орынбасары қызметін атқарды. 2000 жылдан бері Kazinform халықаралық ақпарат агенттігінің БҚО-дағы меншікті тілшісі. Қазақстан Жазушылар және Журналистер одағының мүшесі. Республикалық «Жалын» журналы белгілеген Төлеген Айбергенов атындағы сыйлықтың (1987) және спорт журналистері арасында Сейдахмет Бердіқұлов атындағы сыйлықтың лауреаты (2015). «Ерен еңбегі үшін» медалінің иегері. Халықаралық «Алаш» әдеби сыйлығының лауреаты (2024).