ОРАЛ. ҚазАқпарат - Биыл Орал қаласына қарасты Деркөл ауылындағы 1-детальды жоспарлау жобасы шағынауданын абаттандыруға республикалық бюджеттен 1,1 млрд. теңге бөлінді, деп хабарлайды «ҚазАқпарат» ХАА тілшісі.
Қалалық құрылыс бөлімінен түскен мәліметке қарағанда, осы қаржыға 15 шақырымдай ауылішілік жолға асфальт төселеді, тротуар салынып, арық жүйесі жасалады. Келесі кезекте 2-детальды жоспарлау жобасы бойынша осындай жұмыстар атқарылатын болады.
Айта кетейік, аталмыш жоба 2014 жылы қолға алынып, өткен жылы 18-інші және 7-інші көшелерге 2 км қатқыл табанды жол салынған болатын. Биыл 16-ыншы және 17-інші көшелерде жол салынбақ.
Ғайсағали Сейтақ
1980 жылы А. Пушкин атындағы Орал педагогикалық институтын (М. Өтемісұлы атындағы БҚУ) қазақ тілі мен әдебиеті мамандығы бойынша бітірген. Тасқала аудандық «Екпін» газетінде тілші, бөлім меңгерушісі болды. Облыстық «Орал өңірі» газетінде тілшіліктен бас редакторлыққа дейінгі жолдан өтті. «Жайық Пресс» ЖШС бас директорының бірінші орынбасары қызметін атқарды. 2000 жылдан бері Kazinform халықаралық ақпарат агенттігінің БҚО-дағы меншікті тілшісі. Қазақстан Жазушылар және Журналистер одағының мүшесі. Республикалық «Жалын» журналы белгілеген Төлеген Айбергенов атындағы сыйлықтың (1987) және спорт журналистері арасында Сейдахмет Бердіқұлов атындағы сыйлықтың лауреаты (2015). «Ерен еңбегі үшін» медалінің иегері. Халықаралық «Алаш» әдеби сыйлығының лауреаты (2024).