БҚО-ға Қостанайдан көмек келді
Облыстық жұмыспен қамту және әлеуметтік бағдарламаларды үйлестіру басқармасы бастығының орынбасары Бауыржан Атауовтың айтуынша, бұдан бұрын Солтүстік Қазақстан облысынан 20 тонна астық, Ақтөбе өңірінен дәрі-дәрмек жеткізілген. Қайырымдылық көмек ретінде жан-жақтан келіп жатқан азық-түлік, дәрі-дәрмек «Фармсервис» компаниясына қарасты «Аттис Орал Агро» көкөніс қоймасына түсіріліп, сонда сақталуда.
- Мұнда қойманың ішін қалыпты температурада ұстап тұратын германиялық қондырғы, тоңазытқыштар бар, - деді өз әңгімесінде Б. Атауов. - Қайырымдылық көмек көрсету жөніндегі комиссияның шешімімен Ақжайық, Теректі, Зеленов, Тасқала аудандарына бөлінген тиісті көмек - жүкті жөнелттік.
- Қостанайдан Оралға дейінгі 1300 шақырымды бір тәулік бойы жүріп жеттім. Жүкті аман-есен жеткізейін деп көзімді де ілмедім, - деді «МАN» көлігінің жүргізушісі Алдан Мұсабаев. - Облыс атынан «ДЕП» сүт өнімдері компаниясы 6500 тонна өз өнімдерін жіберді. Оның ішінде қорап-қорап сүт, сары май, ірімшік және өзге де өнімдер бар.