ОРАЛ. 29 наурыз. ҚазАқпарат - Бүгін Ақжайық ауданында «Азаматтарды жол бойында қабылдау» іс-шарасы басталды.
БҚО ІІД жол полициясы басқармасынан Нұртай Лезовтың хабарлағанындай, бүгін жол бойындағы қабылдау барысында аудандағы көлік жүргізушілер өз сауалдарына жауаптар ала алады. Қабылдау басталғалы 40 минуттың ішінде жол полициясы мамандарына шамамен 35 адам жүгінді. Көлік жүргізушілері сауалнамалар толтырып, көлікті тіркеуге қою, тіркеуден шығару, көлік жүргізу куәлігін ауыстыру және өзге де сауалдарға жауаптар алды.
Жол полициясының жол бойындағы қабылдауы 2012 жылы республикалық деңгейде екі рет өткізілген болатын. Облыс деңгейінде биыл алғаш рет ұйымдастырылып отыр.
Ғайсағали Сейтақ
1980 жылы А. Пушкин атындағы Орал педагогикалық институтын (М. Өтемісұлы атындағы БҚУ) қазақ тілі мен әдебиеті мамандығы бойынша бітірген. Тасқала аудандық «Екпін» газетінде тілші, бөлім меңгерушісі болды. Облыстық «Орал өңірі» газетінде тілшіліктен бас редакторлыққа дейінгі жолдан өтті. «Жайық Пресс» ЖШС бас директорының бірінші орынбасары қызметін атқарды. 2000 жылдан бері Kazinform халықаралық ақпарат агенттігінің БҚО-дағы меншікті тілшісі. Қазақстан Жазушылар және Журналистер одағының мүшесі. Республикалық «Жалын» журналы белгілеген Төлеген Айбергенов атындағы сыйлықтың (1987) және спорт журналистері арасында Сейдахмет Бердіқұлов атындағы сыйлықтың лауреаты (2015). «Ерен еңбегі үшін» медалінің иегері. Халықаралық «Алаш» әдеби сыйлығының лауреаты (2024).