ОРАЛ. 14 желтоқсан. ҚазАқпарат - 14 желтоқсан күні БҚО ішкі істер департаментінде Тәуелсіздік мерекесіне орай салтанатты жиын өткізілді.
Департаменттің баспасөз қызметінен Гүлшат Молдағалиеваның хабарлағанындай, департамент бастығының орынбасары, полиция полковнигі Талғат Рахметов сала қызметкерлерін мейраммен құттықтап, игі тілегін жеткізді. Бұдан кейін шағын футболдан өткен жарыста жүлделі орындарды иеленген командаларға кубоктар табыс етілді. Сондай-ақ 24 адамға «Қазақстан полициясына 20 жыл» медалі тапсырылса, соның 14-і - тыл еңбеккерлері.
Ғайсағали Сейтақ
1980 жылы А. Пушкин атындағы Орал педагогикалық институтын (М. Өтемісұлы атындағы БҚУ) қазақ тілі мен әдебиеті мамандығы бойынша бітірген. Тасқала аудандық «Екпін» газетінде тілші, бөлім меңгерушісі болды. Облыстық «Орал өңірі» газетінде тілшіліктен бас редакторлыққа дейінгі жолдан өтті. «Жайық Пресс» ЖШС бас директорының бірінші орынбасары қызметін атқарды. 2000 жылдан бері Kazinform халықаралық ақпарат агенттігінің БҚО-дағы меншікті тілшісі. Қазақстан Жазушылар және Журналистер одағының мүшесі. Республикалық «Жалын» журналы белгілеген Төлеген Айбергенов атындағы сыйлықтың (1987) және спорт журналистері арасында Сейдахмет Бердіқұлов атындағы сыйлықтың лауреаты (2015). «Ерен еңбегі үшін» медалінің иегері. Халықаралық «Алаш» әдеби сыйлығының лауреаты (2024).