04:55, 18 Желтоқсан 2016

БҚО құрамасы кекушинкай-каратэден ел чемпионатында табысты өнер көрсетті

ОРАЛ. ҚазАқпарат - ҚР Тәуелсіздігінің 25 жылдығына орай Алматы қаласында кекушинкай-каратэден қыздар мен әйелдер арасында мәреге жеткен он бірінші ел чемпионатында және ерлерден абсолютті салмақ дәрежесінде кубок сайысында БҚО құрамасы табысты өнер көрсетті, деп хабарлайды ҚазАқпарат тілшісі.

БҚО дене шынықтыру және спорт басқармасынан түскен мәліметке қарағанда, аталмыш жарысқа Астана, Алматы қалалары мен барлық облыстардың құрама командалары қатысты. БҚО намысын 15 спортшы қорғады. Чемпионат қорытындысында 14-15 жастағылар арасында Нұргүл Сапарова 50 кг салмақ дәрежесінде алтыннан алқа тақса, Алина Серік 10-11 жастағылардан 40 кг астам салмақта қола жүлдені иеленді.

Сондай-ақ ерлер арасында абсолютті салмақ дәрежесінде ҚР кубогы сайысында Селенге Исхан үшінші орынға көтерілді. Оларға медаль, кубок, дипломдар табыс етілді.

Батыс Қазақстан облысы Спорт

Ғайсағали Сейтақ

1980 жылы А. Пушкин атындағы Орал педагогикалық институтын (М. Өтемісұлы атындағы БҚУ) қазақ тілі мен әдебиеті мамандығы бойынша бітірген. Тасқала аудандық «Екпін» газетінде тілші, бөлім меңгерушісі болды. Облыстық «Орал өңірі» газетінде тілшіліктен бас редакторлыққа дейінгі жолдан өтті. «Жайық Пресс» ЖШС бас директорының бірінші орынбасары қызметін атқарды. 2000 жылдан бері Kazinform халықаралық ақпарат агенттігінің БҚО-дағы меншікті тілшісі. Қазақстан Жазушылар және Журналистер одағының мүшесі. Республикалық «Жалын» журналы белгілеген Төлеген Айбергенов атындағы сыйлықтың (1987) және спорт журналистері арасында Сейдахмет Бердіқұлов атындағы сыйлықтың лауреаты (2015). «Ерен еңбегі үшін» медалінің иегері. Халықаралық «Алаш» әдеби сыйлығының лауреаты (2024).