ОРАЛ. ҚазАқпарат - БҚО аумақтық сайлау комиссиясы облыстық мәслихаттың тіркелген депутаттар тізімін жария етті, деп хабарлайды ҚазАқпарат тілшісі.
Соның ішінде AMANAT партиясының партиялық тізімі бойынша 10 депутат тіркелді.
Олар - Анвар Агаев, Гүлмира Батпақұлова, Нұртай Жұмашев, Софья Ізмұханбетова, Мирболат Құрманғалиев, Оганнес Минасян, Мұратбек Мухамбедиев, Мұрат Мұқаев, Ербол Салықов және Дінмұхамед Сәтбаев.
Сондай-ақ «Ауыл» халықтық-демократиялық патриоттық партиясынан Сайран Ескендиров, Қуаныш Бірманов, Қазақстан Халық партиясынан Борис Лаврентьев, «Ақ жол» Қазақстанның Демократиялық партиясынан Асқар Мерғалиев пен Ержан Хасанов өтті.
Қалған 15 депутат бір мандаттық округтер бойынша сайланды.
Еске сала кетейік, бұдан бұрын БҚО мәслихатына бір мандаттық округтер бойынша сайланған депутаттармен қатар төрт партияның өкілдері өткенін жазған болатынбыз.
Сондай-ақ Орал қалалық мәслихатына кімдердің сайланғаны хабарланды.
Ғайсағали Сейтақ
1980 жылы А. Пушкин атындағы Орал педагогикалық институтын (М. Өтемісұлы атындағы БҚУ) қазақ тілі мен әдебиеті мамандығы бойынша бітірген. Тасқала аудандық «Екпін» газетінде тілші, бөлім меңгерушісі болды. Облыстық «Орал өңірі» газетінде тілшіліктен бас редакторлыққа дейінгі жолдан өтті. «Жайық Пресс» ЖШС бас директорының бірінші орынбасары қызметін атқарды. 2000 жылдан бері Kazinform халықаралық ақпарат агенттігінің БҚО-дағы меншікті тілшісі. Қазақстан Жазушылар және Журналистер одағының мүшесі. Республикалық «Жалын» журналы белгілеген Төлеген Айбергенов атындағы сыйлықтың (1987) және спорт журналистері арасында Сейдахмет Бердіқұлов атындағы сыйлықтың лауреаты (2015). «Ерен еңбегі үшін» медалінің иегері. Халықаралық «Алаш» әдеби сыйлығының лауреаты (2024).