ОРАЛ. ҚазАқпарат - Тұңғыш Президент күні қарсаңында Батыс Қазақстан облысының Сырым ауданы Жосалы ауылдық округіндегі Қоңыр және Тамды елді мекендері орталықтандырылған су көзіне қосылды, деп хабарлайды «ҚазАқпарат» тілшісі.
Аудан әкімі Төлеген Төреғалиевтің айтуынша, 185 млн теңгені құрайтын бұл жоба «Нұрлы жол» бағдарламасы аясында жүзеге асырылды. Облыс басшысы Алтай Көлгіновтің тапсырмасына сәйкес барлық жұмыс уақытылы аяқталып, 18 шақырым су құбыры тартылды. Жоба барысында (мердігер - «ЖайықГазСуҚұрылыс» ЖШС) жергілікті жерден 25 адам жұмыспен қамтылды. Қос ауылдағы 240 үйдің ауласына таза ауыз су жеткізілді.
Биыл Сырымда 1 млрд астам теңгеге аудан орталығы Жымпитыда тұрғын үйлер мен жол салынып, Қоңыр мен Тамдыға қоса Аралтөбе ауылына су құбыры жүргізілді, басқа да жұмыстар атқарылды.
Айта кетейік, облыста барлығы 55 елді мекенді (65 мың адам) орталықтандырылған су көзіне қосу жұмыстары жүргізілуде. Соның нәтижесінде 186 ауыл таза ауыз суға қол жеткізетін болады.
Ғайсағали Сейтақ
1980 жылы А. Пушкин атындағы Орал педагогикалық институтын (М. Өтемісұлы атындағы БҚУ) қазақ тілі мен әдебиеті мамандығы бойынша бітірген. Тасқала аудандық «Екпін» газетінде тілші, бөлім меңгерушісі болды. Облыстық «Орал өңірі» газетінде тілшіліктен бас редакторлыққа дейінгі жолдан өтті. «Жайық Пресс» ЖШС бас директорының бірінші орынбасары қызметін атқарды. 2000 жылдан бері Kazinform халықаралық ақпарат агенттігінің БҚО-дағы меншікті тілшісі. Қазақстан Жазушылар және Журналистер одағының мүшесі. Республикалық «Жалын» журналы белгілеген Төлеген Айбергенов атындағы сыйлықтың (1987) және спорт журналистері арасында Сейдахмет Бердіқұлов атындағы сыйлықтың лауреаты (2015). «Ерен еңбегі үшін» медалінің иегері. Халықаралық «Алаш» әдеби сыйлығының лауреаты (2024).