БҚО-ның Теректі ауданына қарасты елді мекендерді газдандыру қарқынды жүргізілуде
Аудандық сәулет, қала құрылысы және құрылыс бөлімінің мәліметі бойынша, бүгінгі таңда аудандағы барлық 51 елді мекеннің 21-іне көгілдір отын жеткізілген. Осы газ жеткен елді мекендердегі барлық 6760 ауланың 4126-сы көгілдір отынның қызығын көруде.
"Соңғы мәліметтер бойынша Подстепный ауылдық округі жеке секторларының 82,7 пайызы, Федоров ауылдық округіндегі тұрғын үйлердің 66,1 пайызы, Шаған ауылдық округінің 53,9 пайызы, Ақжайық ауылдық округінің 36,7 пайызы, Шалқар ауылдық округінің 41,5 пайызы, Ақсуат ауылдық округінің 40,1 пайызы газбен қамтылды. Сонымен қатар Покатилов, Ақсоғым ауылдық округіне қарасты Үлкен Еңбек ауылдарында газ жүргізу жұмыстары жалғасуда", - деді бөлім бастығы Қайрат Жапақов.
Ауылдарды газбен жабдықтау жұмысын «Виаст», «Нұржан», «Е.Исмурзин», «Марданов» және басқа ЖШС атқаруда.