ОРАЛ. ҚазАқпарат – Батыс Қазақстан облыстық соты өз әйелін кепілдікке алған Ерлан Исламғалиевке қатысты үкімді өзгеріссіз қалдырды, деп хабарлайды ҚазАқпарат тілшісі.
БҚО сотының баспасөз қызметі мәлім еткеніндей, сот алқасы істі апелляциялық тәртіпте қарап, осындай шешімге келді.
Сот алқасы тараптардың барлық дәлелдерін зерттеп, Е.Исламғалиевтің кінәсі толық дәлелденген деп санады.
Оның кінәсі толық анықталып, жәбірленушінің, куәлардың, сараптама қорытындыларымен дәлелденген.
Апелляциялық саты сонымен қатар сотталушының жазасын жеңілдететін жағдайлар жоқ екендігін және тағайындалған жаза заң талаптарына сәйкес келетіндігін атап өтті.
Осыған байланысты сот үкімі өзгеріссіз, апелляциялық шағымдар қанағаттандырусыз қалдырылды.
Еске сала кетейік, бұдан бұрын БҚО-да өз әйелін кепілдікке алған тұрғынға үкім шыққанын жазған болатынбыз.
Сот үкімімен Е.Исламғалиев ҚР ҚК 110-бабы 2-бөлігі 1, 2, 4-тармағы, 194-бабы 4-бөлігі 2-тармағы, 261-бабы 2-бөлігі 4-тармағы, 120-бабы 2-бөлігі 2-тармағына сәйкес, яғни азаптау, бопсалау, кепілге алу және зорлау баптарымен 13 жылға бас бостандығынан айырылған болатын.
Ғайсағали Сейтақ
1980 жылы А. Пушкин атындағы Орал педагогикалық институтын (М. Өтемісұлы атындағы БҚУ) қазақ тілі мен әдебиеті мамандығы бойынша бітірген. Тасқала аудандық «Екпін» газетінде тілші, бөлім меңгерушісі болды. Облыстық «Орал өңірі» газетінде тілшіліктен бас редакторлыққа дейінгі жолдан өтті. «Жайық Пресс» ЖШС бас директорының бірінші орынбасары қызметін атқарды. 2000 жылдан бері Kazinform халықаралық ақпарат агенттігінің БҚО-дағы меншікті тілшісі. Қазақстан Жазушылар және Журналистер одағының мүшесі. Республикалық «Жалын» журналы белгілеген Төлеген Айбергенов атындағы сыйлықтың (1987) және спорт журналистері арасында Сейдахмет Бердіқұлов атындағы сыйлықтың лауреаты (2015). «Ерен еңбегі үшін» медалінің иегері. Халықаралық «Алаш» әдеби сыйлығының лауреаты (2024).