ОРАЛ. KAZINFORM - Бүгінде Батыс Қазақстан облысы бойынша су тасқынынан зардап шеккен 9671 отбасына 3 млрд 570 млн теңге көлемінде бір жолғы әлеуметтік көмек берілді, деп хабарлайды облыстық әкімдікің баспасөз қызметі.
Қазіргі уақытта тұрғындарға 150 айлық есептік көрсеткіш көлеміндегі әлеуметтік төлемдерді беру жұмыстары жалғасуда. Бүгінде 1 мыңға жуық отбасы аталған әлеуметтік көмекті алды.
Су тасқынынан зардап шеккен 5 ауданның тұрғындары үшін 401 үйдің құрылысы жүріп жатыр. Тиісті мердігер компаниялар анықталды.
«Мемлекет басшысының тапсырмасы аясында су тасқынынан зардап шеккен тұрғындарға жан-жақты қолдау көрсетілуде. Тұрғын үйлері жарамсыз болған 3 аудан бойынша үй сатып алуға 79 өтініш түскен. Бүгінгі күнге дейін аталған аудандар бойынша 567 млн теңгеге 27 үй сатып алынды. Сатып алу жұмыстары жалғасады. Құрылыс жұмыстарының сапасы мен уақытылы аяқталуын да тікелей бақылауда ұстап отырмыз», - деді облыс әкімі Нариман Төреғалиев.
Бұдан бөлек, Орал қаласындағы саяжай тұрғындары тарапынан туындайтын құқықтық мәселелер бойынша арнайы жедел топ жұмыс істеуде.
Қазіргі уакытта саяжайлардағы шығындарды есептеу жөніндегі комиссия штаттық режимде жұмыс істеп, бағалау жұмыстарын жүргізуде.
Ғайсағали Сейтақ
1980 жылы А. Пушкин атындағы Орал педагогикалық институтын (М. Өтемісұлы атындағы БҚУ) қазақ тілі мен әдебиеті мамандығы бойынша бітірген. Тасқала аудандық «Екпін» газетінде тілші, бөлім меңгерушісі болды. Облыстық «Орал өңірі» газетінде тілшіліктен бас редакторлыққа дейінгі жолдан өтті. «Жайық Пресс» ЖШС бас директорының бірінші орынбасары қызметін атқарды. 2000 жылдан бері Kazinform халықаралық ақпарат агенттігінің БҚО-дағы меншікті тілшісі. Қазақстан Жазушылар және Журналистер одағының мүшесі. Республикалық «Жалын» журналы белгілеген Төлеген Айбергенов атындағы сыйлықтың (1987) және спорт журналистері арасында Сейдахмет Бердіқұлов атындағы сыйлықтың лауреаты (2015). «Ерен еңбегі үшін» медалінің иегері. Халықаралық «Алаш» әдеби сыйлығының лауреаты (2024).