ОРАЛ. ҚазАқпарат - Тасқала ауданы орталығы Тасқала ауылында тұратын Жақсығұл Тасмағамбетовтің ауласында «Алла» деген жазуы бар қозы туды.
Өзінің айтуынша, қозының үстіндегі арабша жазуға ұқсас өрнекті көргеннен кейін, аудандық мешіттен молданы шақыртып, оқытқан екен. Ол «Алла» деген жазуды анық оқиды. Бұған дейін егіз, тіпті үшемдерді де көрген мал иесі мұны қой жылындағы береке-байлыққа жорып отыр.
«Бұл да бір Алланың сыйы шығар, еліміз аман, жұртымыз тыныш болсын. Жеріміз құнарлы, малымыз көбейе берсін. Қой жылы төл көп болсын», - деді Ж.Тасмағамбетов.
Ғайсағали Сейтақ
1980 жылы А. Пушкин атындағы Орал педагогикалық институтын (М. Өтемісұлы атындағы БҚУ) қазақ тілі мен әдебиеті мамандығы бойынша бітірген. Тасқала аудандық «Екпін» газетінде тілші, бөлім меңгерушісі болды. Облыстық «Орал өңірі» газетінде тілшіліктен бас редакторлыққа дейінгі жолдан өтті. «Жайық Пресс» ЖШС бас директорының бірінші орынбасары қызметін атқарды. 2000 жылдан бері Kazinform халықаралық ақпарат агенттігінің БҚО-дағы меншікті тілшісі. Қазақстан Жазушылар және Журналистер одағының мүшесі. Республикалық «Жалын» журналы белгілеген Төлеген Айбергенов атындағы сыйлықтың (1987) және спорт журналистері арасында Сейдахмет Бердіқұлов атындағы сыйлықтың лауреаты (2015). «Ерен еңбегі үшін» медалінің иегері. Халықаралық «Алаш» әдеби сыйлығының лауреаты (2024).