БҚО Тілдерді дамыту басқармасына жаңа басшы келді
БҚО әкімінің баспасөз қызметі мәлім еткеніндей, Ерлан Ерсайынұлы 1977 жылы дүниеге келген. Білімі жоғары. Батыс Қазақстан мемлекеттік университеті мен Батыс Қазақстан инженерлік-гуманитарлық университетін қазақ тілі мен әдебиеті, экономика мамандығы бойынша тәмамдаған.
Әр жылдары Жалпақтал ауданында Ғ.Молдашев атындағы, Орал қаласында №41 орта мектептің бастауыш сынып мұғалімі, №19 орта мектеп директорының тәрбие жөніндегі орынбасары болды. Сондай-ақ Орал қаласы әкімдігі жұмыспен қамту және әлеуметтік бағдарламалар бөлімінің «Жұмыспен қамту орталығы» ММ директоры, қала әкімі аппаратының ұйымдастыру-бақылау жұмыстары және мемлекеттік қызмет көрсету мониторинг бөлімінің басшысы – қала әкімі аппараты басшысының орынбасары, Орал қаласы жер қатынастары бөлімінің, жұмыспен қамту және әлеуметтік бағдарламалар бөлімінің басшысы, БҚО әкімі аппараты стратегиялық даму бөлімінің басшысы болып жұмыс жасады.
Күні бүгінге дейін Орал қаласы әкімінің орынбасары қызметін атқарды.
Еске сала кетейік, бұдан бұрын БҚО қаржы басқармасына жаңа басшы тағайындалғанын жазған болатынбыз.